मुंबई Hum Toh Deewane song OUT : 'बिग बॉस ओटीटी 2'चा विजेता एल्विश यादव शो जिंकल्यानंतर खूप व्यग्र झाला आहे. तो अनेक नवीन प्रोजेक्टवर काम करत आहे. उर्वशी रौतेलासोबत एल्विशचं नवीन गाणं 'हम तो दिवाने' रिलीज झालं आहे. हे गाणे रिलीज होताच इंटरनेटवर लोकप्रिय झालं आहे. या गाण्याला अवघ्या 3 तासात 2.5 दशलक्षपेक्षा अधिक व्ह्यूज मिळाले आहेत. हे एक रोमँटिक गाणं आहे, ज्यामध्ये दोघांची जोडी खूप खास दाखविण्यात आली आहे. एल्विशचे चाहते या गाण्याची आतुरतेने वाट पाहत होते. उर्वशी रौतेला आणि एल्विश यादवचं 'हम तो दिवाने' हे गाणं त्याचं संगीत रसिकांच्या मनावर सध्या राज्य करत आहे.
गाणं झालं प्रदर्शित :या गाण्याचे बोल आणि ही जोडी चाहत्यांना खूप आवडली आहे. पहिल्यांदाच चाहत्यांना त्यांची जोडी एकत्र पाहायला मिळाली आहे. शोची ट्रॉफी जिंकल्यानंतर एल्विश यादव हा सर्वत्र प्रसिद्ध झाला आहे. 'हम तो दिवाने' हे गाणं यासिर देसाईनं गायले आहे. या गाण्याला संगीत हे रजत नागपाल दिलं आहे. तसंच या गाण्याचे बोल हे राणा सोटल यांनी लिहिले आहेत. हे एक रोमँटिक गाणं आहे, ज्यामध्ये एल्विश आणि उर्वशीची प्रेमकथा दाखविण्यात आली आहे. एल्विशच्या लोकप्रियतेचा फायदा या गाण्यालाही झाला आहे. सध्या सोशल मीडियावर हे गाणं खूप चालत आहे.