'दृश्यम 2' ने 7 व्या दिवशी केला 100 कोटी क्लबमध्ये प्रवेश

Drishyam 2 Box Office Collection: अजय देवगणचा चित्रपट 'दृश्यम-2' ने एका आठवड्यात 100 कोटींच्या क्लबमध्ये प्रवेश केला आहे.हा चित्रपट 18 नोव्हेंबरला थिएटरमध्ये रिलीज झाला आहे.

मुंबई - बॉलिवूड अभिनेता अजय देवगण आणि दक्षिण अभिनेत्री श्रिया सरन यांच्या भूमिका असलेला चित्रपट 'दृश्यम-2' बॉक्स ऑफिसवर सातव्या दिवशीही कायम राहिला आणि चित्रपटाने एका आठवड्यात 100 कोटी क्लबमध्ये प्रवेश केला. या चित्रपटाने अवघ्या 6 दिवसात 90 कोटींचा टप्पा पार केला होता आणि चित्रपटाच्या सातव्या दिवशी 100 कोटी क्लबमध्ये सामील होण्याची अपेक्षा होती. हा चित्रपट 18 नोव्हेंबरला थिएटरमध्ये रिलीज झाला आहे.

बॉक्स ऑफिसवर 'दृश्यम 2'ची तुफान धूम सुरूच - 'दृश्यम 2' ने 6 दिवसात 96.04 कोटी रुपयांचा व्यवसाय केला आहे. चित्रपटगृहांमधील प्रेक्षकांची गर्दी पाहता हा चित्रपट सातव्या दिवशी (२४ नोव्हेंबर) १०० कोटी क्लबमध्ये नक्कीच सामील होईल, असा विश्वास चित्रपट व्यावसायिकांना वाटत होता. चित्रपटाच्या 6 दिवसांच्या कमाईवर नजर टाकली तर चित्रपटाने पहिल्या दिवशी 15.38 कोटी, दुसऱ्या दिवशी 21.59 कोटी, तिसऱ्या दिवशी 27.17 कोटी, चौथ्या दिवशी 11.87 कोटी, पाचव्या दिवशी 10.48 कोटींचा व्यवसाय केला आहे. दिवस आणि सहाव्या दिवशी 9.55 कोटी आणि आता रिलीजच्या सातव्या दिवशी, चित्रपटाने बॉक्स ऑफिसवर 8.70 कोटींची कमाई केली आणि 100 कोटींच्या क्लबमध्ये सामील झाला. एका आठवड्यातील चित्रपटाचे एकूण कलेक्शन 105 कोटींवर गेले आहे.

चित्रपटाचे बजेट किती आहे?- अभिषेक पाठक दिग्दर्शित 'दृश्यम-2' चित्रपटाचे मेकिंग बजेट फक्त 50 कोटी रुपये आहे. अशा परिस्थितीत पहिल्या आठवड्यातच चित्रपटाने आपल्या खर्चाच्या दुप्पट कमाई केली आहे. 2015 मध्ये आलेल्या 'दृश्यम' या चित्रपटानेही प्रेक्षकांना खूप प्रभावित केले.

काय आहे चित्रपटाची कथा?- 'दृश्यम' हा चित्रपट एका मर्डर मिस्ट्रीवर आधारित आहे, जो चित्रपटाच्या शेवटपर्यंत सस्पेन्स ठेवतो. अजय देवगण या चित्रपटात विजय साळगावकरच्या भूमिकेत आहे, जो एका साध्या कुटुंबातील आहे आणि दोन मुलींचा बाप आहे. साऊथची सुंदर अभिनेत्री श्रिया सरन या चित्रपटात अजयच्या पत्नीची भूमिका साकारत आहे. या चित्रपटात बॉलिवूड अभिनेत्री तब्बूचीही महत्त्वाची भूमिका आहे. 'दृश्यम' आणि 'दृश्यम 2' हे मल्याळम भाषेत त्याच नावाने बनवलेल्या चित्रपटांचे अधिकृत हिंदी रिमेक आहेत, ज्यामध्ये साउथ सुपरस्टार मोहनलाल मुख्य भूमिकेत होते.

हेही वाचा - Amitabh Bachchan : अमिताभ बच्चन यांच्या आवाज, फोटोच्या अनधिकृत वापरावर न्यायालयाकडून बंदी