मुंबई : आयुष्मान खुराना आणि अनन्या पांडे स्टारर 'ड्रीम गर्ल 2' बॉक्स ऑफिसवर चांगली कमाई करत आहे. 'ड्रीम गर्ल 2' च्या पूजाने पुन्हा एकदा चाहत्याच्या मनावर जादु केली आहे. 'ड्रीम गर्ल 2' हा चित्रपट सध्या 'ओएमजी 2' आणि 'गदर 2'ला टक्कर देत आहे. 'ड्रीम गर्ल 2' चित्रपटाला प्रेक्षकांचे भरभरून प्रेम मिळत आहे. या चित्रपटाने रिलीजच्या पहिल्या दिवशी जोरदार कमाई केली होती. सुरुवातीच्या वीकेंडला चित्रपटाने जबरदस्त कलेक्शन केले. 'ड्रीम गर्ल 2' च्या कलेक्शनबद्दल बोलायचे झाले तर, या चित्रपटाने रिलीजच्या पहिल्या दिवशी 10.69 कोटीची कमाई केली होती. दुसऱ्या दिवशी म्हणजे शनिवारी या चित्रपटाने 14.02 कोटींची कमाई केली, रविवारी तिसऱ्या दिवशी या चित्रपटाचे कलेक्शन 16 कोटी, चौथ्या दिवशी 5.42 कोटी , पाचव्या दिवशी 5.87 कोटी कमाविले होते. दरम्यान आता सहाव्या दिवशी हा चित्रपट 8.00 कमाई करू शकतो. यासह या चित्रपटाचे एकूण कलेक्शन 60.00 कोटी होईल.
'ड्रीम गर्ल 2'चे बॉक्स ऑफिस कलेक्शन
पहिला दिवस 10.69 कोटी
दुसरा दिवस 14.02 कोटी
तिसरा दिवस 16 कोटी
चौथा दिवस 5.42 कोटी
पाचवा दिवस 5.87 कोटी
सहावा दिवस 8.00 कोटी * कमावू शकेल.
'ड्रीम गर्ल 2'ची बॉक्स ऑफिस एकूण 60.00 कोटी
बॉक्स ऑफिसवर 'ड्रीम गर्ल 2'चा जादू : आयुष्मान खुराना पुन्हा एकदा 'ड्रीम गर्ल 2'मधून प्रेक्षकांना हसवण्यात यशस्वी झाला आहे. 'ड्रीम गर्ल 2' 50 कोटी क्लबमध्ये सामील झाल्यानंतर हा चित्रपट लवकरच 100 कोटीच्या क्लबमध्ये प्रवेश करेल अशी आशा व्यक्त केली जात आहे. रक्षाबंधनाच्या सुट्टीच्या मुहूर्तावर हा चित्रपट कमाईच्याबाबत मोठी झेप घेईल. सध्या बॉक्स ऑफिसवर 'ड्रीम गर्ल 2'साठी पैसे कमावण्याची चांगली संधी आहे. या चित्रपटाला माउथ पब्लिसिटीचाही पुरेपूर फायदा मिळत आहे. 'ड्रीम गर्ल 2 चित्रपटाने 4 दिवसात चित्रपटाच्या बजेटपेक्षा जास्त कमाई केली होती. या चित्रपटाचे दिग्दर्शन राज शांडिल्य यांनी केले आहे. आयुष्मान खुरानाचा 'ड्रीम गर्ल 2' हा चित्रपट बॉक्स ऑफिसवर हिट झाला आहे.
हेही वाचा :
- Kanhaiya Twitter Pe Aja: विकी कौशल बनला भजन कुमार, 'द ग्रेट इंडियन फॅमिली'तील 'कन्हैया ट्विटर पे आजा' गाणे रिलीज
- Mamata Banerjee in Mumbai : ममता बॅनर्जी रक्षाबंधनासाठी 'जलसा'वर जाणार, अमिताभ बच्चन यांनी दिलं निमंत्रण
- Allu Arjun : Allu Arjun : अल्लू अर्जुनने शेअर केला 'पुष्पा 2'च्या सेटवरील रोमांचक अनुभव
