मुंबई Dream Girl 2 box office collection day 13 : आयुष्मान खुराना आणि अनन्या पांडे स्टारर रोमँटिक कॉमेडी 'ड्रीम गर्ल 2'ला दोन आठवडे पूर्ण होण्याआधीच, शाहरुख खानचा 'जवान' चित्रपट 7 सप्टेंबर रोजी प्रदर्शित झाला. 'ड्रीम गर्ल 2' चित्रपट देशांतर्गत 100 कोटींचा टप्पा ओलांडण्यापासून काही पावलावर आहे. या चित्रपटाचं दिग्दर्शन राज शांडिल्य यांनी केले आहे. हा चित्रपट एकता कपूरच्या बालाजी प्रॉडक्शनच्या बॅनरखाली बनवला गेला आहे. या चित्रपटामध्ये आयुष्मान खुरानाने आणि इतर कलाकारांनी जबरदस्त अभिनय केला आहे. 'ड्रीम गर्ल 2' चित्रपटाचं खूप कौतुक सोशल मीडियावर आयुष्मानचे चाहते करत आहेत.
'ड्रीम गर्ल 2'ची एकूण कमाई : सॅकनिल्कच्या रिपोर्टनुसार आयुष्मान खुराना आणि अनन्या पांडे स्टारर या चित्रपटाने रिलीजच्या बाराव्या दिवशी 3 कोटीची कमाई केली होती. त्यानंतर या चित्रपटाने तेराव्या दिवशी 2.73 कोटीची कमाई केली आहे. यासह या चित्रपटाचे एकूण कलेक्शन 94.51 कोटी झाले आहे. बुधवारी, 'ड्रीम गर्ल 2'चा हिंदी मार्केटमध्ये एकूण व्याप 12.59% होता. दरम्यान, जगभरातील 'ड्रीम गर्ल 2'ने 118.86 कोटी रुपयांचा टप्पा ओलांडला आहे. हा चित्रपट 14व्या दिवशी 1.00 कोटीची कमाई करू शकतो. यासह या चित्रपटाचे बॉक्स ऑफिस एकूण कलेक्शन 95.69 कोटी होईल. 'ड्रीम गर्ल 2' चित्रपटाकडून आयुष्मानला खूप अपेक्षा आहे. कारण यापूर्वीचे त्याचे चित्रपट बॉक्स ऑफिसवर काही कमाल करू शकलेले नाहीत.