नवी दिल्ली- महाराणी एलिझाबेथ द्वितीय Queen Elizabeth II यांच्या निधनाने जगभरातील लोकांनी शोक व्यक्त केला आहे. बर्‍याच राजकीय नेते, मुत्सद्दी, अभिनेते आणि प्रसिद्ध व्यक्तींनी सर्वात जास्त काळ यूकेच्या राणी म्हणून काम केलेल्या महाराणी एलिझाबेथ यांच्या निधनाबद्दल शोक व्यक्त केला आहे.
शिल्पा शेट्टी सारख्या अनेक बॉलिवूड कलाकारांनी राणीसोबतचे फोटो अपलोड केले आणि सोशल मीडियावर शोक व्यक्त करून त्यांची आठवण जागवली. राजवाड्यात किंवा सार्वजनिक मेळाव्यात विविध प्रसंगी राणीला भेटण्याची संधी अनेक सेलिब्रिटींना मिळाली होती.
पण तुम्हाला माहित आहे का की राणीने एकदा भारतीय चित्रपटाच्या सेटला भेट दिली होती? दक्षिण मेगास्टार कमल हसन यांनी अलीकडेच याबाबत बोलताना खुलासा केला की 16 ऑक्टोबर 1997 रोजी MGR फिल्म सिटी येथे 'मरुधनयगम' चित्रपटाच्या लॉन्चिंगला राणीने हजेरी लावली होती.
कमल हासन पुढे म्हणाले की राणीने 'मरुधनयगम' चित्रपटाच्या सेटवर 20 मिनिटे घालवली होती. दरम्यान तामिळनाडूचे तत्कालीन मुख्यमंत्री एम करुणानिधी देखील राणीच्यासोबत सामील झाले होते.
कमल हासन म्हणाले, "सत्तर वर्षे इंग्लंडची राणी राहिलेल्या राणी एलिझाबेथ द्वितीय यांच्या निधनाची बातमी ऐकून मला दु:ख झाले. त्या अशा व्यक्ती होत्या ज्यांनी केवळ इंग्रजांचेच नव्हे तर जगभरातील लोकांचे प्रेम मिळवले होते. राणी एलिझाबेथ 2 आमच्या मरुधनायागम चित्रपटाच्या सेटवर आली होती हे दाखवण्यासाठी की आजही वसाहतवाद नाही. खरं तर, मी शूट केलेला 'मरुधनायागम' चित्रपट आणि संवाद त्यांच्या (ब्रिटिश) विरोधात होते."
ते पुढे म्हणाले, "पंचवीस वर्षांपूर्वी, 'मरुधनयागम' चित्रपटाच्या उद्घाटन समारंभाला उपस्थित राहण्याचे तिने आमचे आमंत्रण स्वीकारले होते. तिने या प्रसंगाचे स्वागत केले आणि आमचा सत्कार केला." लंडनमधील एका सांस्कृतिक कार्यक्रमादरम्यान आपण राणीला पुन्हा भेटल्याचेही कमल हसनने सांगितले.
हेही वाचा -अनराग कश्यपचा ५० वा वाढदिवस, मुलगी आलिया कश्यपने दिल्या शुभेच्छा!!
