मुंबई : सुपरस्टार धर्मेंद्र अलीकडेच नातू करण देओलच्या लग्नामुळे चर्चेत होते. नातवाच्या लग्नातील अनेक व्हिडिओ आणि फोटो सोशल मीडियावर समोर आले होते, ज्यात धर्मेंद्र बाराती म्हणून नाचत होते. दरम्यान आता धर्मेंद्र 'रॉकी और रानी की प्रेम कहानी' या चित्रपटासाठी चर्चेत आहे. धर्मेंद्र यांनी इंस्टाग्रामवर 'रॉकी और रानी की प्रेम कहानी' चित्रपटाच्या सेटवरील रणवीरसोबतचा जुना फोटो शेअर केले आहे. या फोटोमध्ये धर्मेंद्र आणि रणवीर हे मोबाईलमध्ये पाहताना दिसत आहे. थ्रोबॅक फोटो शेअर करत त्यांना काही जुने दिवस आठविले आहे. फोटोच्या कॅप्शनमध्ये त्यांनी लिहले 'जी चाहता है इन की चाहत के खाकून में, फिर से रंग भर दूँ', असे त्यांनी पोस्टमध्ये लिहले आहे.
धर्मेंद्रने फोटो शेअर केला : फोटोमध्ये धर्मेंद्र रणवीर सिंगसोबत काही मुद्द्यावर चर्चा करताना दिसत आहे. पांढऱ्या कुर्त्यामध्ये धर्मेंद्र खूपच सुंदर दिसत आहे. दुसरीकडे, रणवीरही ऑफ व्हाइट कुर्त्यामध्ये स्मार्ट दिसत आहे. धर्मेंद्रची ही पोस्ट शेअर होताच या पोस्टवर अनेक चाहत्यांच्या कमेंट आल्या आहेत. या पोस्टवर कमेंट करत एका चाहत्याने लिहले, 'दोन महान तारे.' दरम्यान आणखी एका चाहत्याने लिहिले आहे की, 'सर्वोत्तम जोडी. धरम जी आणि रणवीर सिंग. इतर चाहत्यांनी लाल हार्ट इमोजीसह दोन्ही स्टार्सवर प्रेमाचा वर्षाव केला आहे. धर्मेंद्रचा हा फोटो चाहत्यांना खूप आवडला आहे. यापूर्वी देखील धर्मेंद्रने आलियासोबतचा फोटो सोशल मीडियावर शेअर केला होता. या फोटोवर देखील चाहत्यांनी प्रेमाचा वर्षाव केला होता.