मुंबई - बॉलिवूडची 'पद्मावती' आणि सर्वाधिक मानधन घेणारी अभिनेत्री दीपिका पदुकोणच्या चाहत्यांसाठी एक आनंदाची बातमी समोर आली आहे. जगभरात आपल्या सौंदर्य आणि चित्रपटांसाठी प्रसिद्ध असलेल्या दीपिका पदुकोणने जगातील 10 सुंदर महिलांच्या यादीत स्थान मिळवले आहे. या यादीत दीपिका पदुकोण ही बॉलिवूडमधील एकमेव अभिनेत्री आहे.
रिपोर्ट्सनुसार, ब्रिटीश अभिनेत्री जूडी कोमर हिला जगातील सर्वात सुंदर महिलेचा किताब मिळाला आहे. या यादीत दीपिका पदुकोण 9व्या स्थानावर आहे. याशिवाय अमेरिकन अभिनेत्री, गायिका आणि गीतकार बेयॉन्से आणि मीडिया पर्सनॅलिटी किम कार्दशियन यांचाही टॉप 10 मध्ये समावेश आहे. ही यादी शास्त्रज्ञांनी तयार केली आहे. तिने जगातील सर्वात सुंदर महिलांची यादी तयार करण्यासाठी त्यांनी 'गोल्डन रेशो ऑफ ब्युटी' नावाच्या प्राचीन ग्रीक तंत्राचा वापर करून नवीन संगणकीकृत मॅपिंग धोरण वापरले आहे.
दीपिका पदुकोणचे सौंदर्य प्रमाण किती आहे? - रिपोर्टनुसार, 'गोल्डन रेशियो ऑफ ब्युटी' तयार करण्यात आला आहे, ज्याला फी असेही म्हणतात. ही एक गणितीय पद्धत आहे, ज्यामध्ये चेहऱ्याचा पोत आणि सौंदर्य मोजण्यासाठी एक सूत्र लागू केले जाते.