हैदराबाद - सुपरस्टार अमिताभ बच्चन, प्रभास आणि दीपिका पदुकोण यांच्या प्रमुख भूमिका असलेल्या असलेल्या नाग अश्विनच्या आगामी चित्रपट 'प्रोजेक्ट - के'च्या शूटिंगसाठी दीपिका हैदरबादला पोहोचली आहे. सोमवारी रात्री दीपिका मुंबई विमानतळावर हैदराबादला निघताना दिसली. यावेळी त्याने हौशी फोटोग्राफर्सना हसून पोजही दिल्या.' प्रोजेक्ट-के' हे चित्रपटाचे तात्पुरते शीर्षक आहे. एक मेगा कॅनव्हास असलेला हा चित्रपट संपूर्ण भारतात रिलीज होणार असून चित्रपटाच्या घोषणेपासूनच चर्चेत आहे.
हैदराबादच्या प्रसिद्ध रामोजी फिल्म सिटीमध्ये उभारण्यात आलेल्या विशेष सेटवर चित्रपटाचा एक मोठा भाग शूट केला जाईल. ' प्रोजेक्ट-के' हा एक सायन्स फिक्शन चित्रपट आहे, जो आतापर्यंतचा सर्वात महागडा भारतीय चित्रपट आहे. या शेड्यूलमध्ये दीपिका आणि प्रभासची भूमिका असलेले काही महत्त्वपूर्ण सीक्‍वेन्सचे शूटिंग पूर्ण करण्यात येणार आहे.