सर्कसच्या ट्रेलरमधून रणवीर सिंगचा हाय व्होल्टेज झटका, रोहित शेट्टीच्या धमाल मस्तीची नवी इनिंग

रणवीर सिंग, पूजा हेगडे आणि जॅकलिन फर्नांडिस स्टारर 'सर्कस' या चित्रपटाचा विनोदी ट्रेलर रिलीज झाला आहे.

मुंबई- अॅक्शनपट दिग्दर्शक रोहित शेट्टीच्या 'सर्कस' चित्रपटाचा ट्रेलर आज शुक्रवार 2 डिसेंबर रोजी रिलीज झाला आहे. चार दिवसांपूर्वीच या चित्रपटाचा एक मजेशीर टीझर प्रदर्शित झाला होता, ज्यामध्ये चित्रपटाच्या अर्ध्याहून अधिक स्टारकास्टचा खुलासा करण्यात आला होता. टीझरसोबतच चित्रपटाचा ट्रेलर कधी रिलीज होणार याचीही माहिती देण्यात आली होती. रणवीर सिंग, पूजा हेगडे आणि जॅकलीन फर्नांडिस या स्टार्सनी सजलेला हा कॉमेडी-ड्रामा चित्रपट २३ डिसेंबरला प्रदर्शित होत आहे.

ट्रेलर कसा आहे? - 'सर्कस' चित्रपटाचा 3.38 मिनिटांचा ट्रेलर धमाल मस्तीने भरलेला आहे. संपूर्ण ट्रेलरमध्ये रणवीर सिंगची दुहेरी भूमिका सर्वच पात्रांशी भन्नट वागताना दिसत आहे. ट्रेलरमध्ये ६० च्या दशकातील दृश्ये पाहायला मिळत आहे. ट्रेलरमध्ये कलाकारांची एवढी गर्दी पाहायला मिळत आहे. संपूर्ण ट्रेलरमध्ये पार्श्वभूमीत 'करंट लगा' हे गाणे वाजत आहे आणि शेवटी दीपिका पदुकोणची एन्ट्री तिच्या चाहत्यांना भुरळ घालणार आहे. होय, रोहित दिग्दर्शित सर्कस या चित्रपटात दीपिका पदुकोणही दिसणार आहे.

चित्रपटाची मुख्य स्टारकास्ट - चित्रपटाच्या कथेनुसार रणवीर सिंगची चित्रपटात दुहेरी भूमिका आहे. रणवीरच्या विरुद्ध अभिनेत्री पूजा हेगडे आणि जॅकलिन फर्नांडिस महत्त्वाच्या भूमिकेत आहेत. याआधी रोहित शेट्टीने चित्रपटाचे मोशन पोस्टर शेअर करून सर्कसच्या संपूर्ण कुटुंबाची ओळख करून दिली होती. 23 डिसेंबरला ख्रिसमसच्या मुहूर्तावर हा चित्रपट प्रदर्शित होत आहे.

रणवीर सिंगचा वर्कफ्रंट- याआधी रणवीर सिंग 'जयेशभाई जोरदार' चित्रपटात दिसला होता. हा चित्रपट बॉक्स ऑफिसवर फ्लॉप ठरला. या चित्रपटानंतर आता रणवीर सिंगला सर्कस चित्रपटाकडून खूप अपेक्षा आहेत. याआधी रणवीर आणि रोहितची जोडी सिम्बा या चित्रपटात दिसली होती, जो एक हिट चित्रपट ठरला होता.

हेही वाचा -गायक जुबिन नौटियालला गंभीर दुखापत, मुंबईतील रुग्णालयात उपचार सुरू