मुंबई- अभिनेत्री आणि मॉडेल चारू असोपाच्या ( Charu Asopa ) सोशल मीडियावरील अलीकडील फोटो असे सूचित करतात ती पती राजीव सेनपासून ( Rajeev Sen ) घटस्फोट घेणार नाही. गेल्या महिन्यात चारूने एका व्लॉगमध्ये उघड केले होते की ती मुलगी जियानाच्या चांगल्या भविष्यासाठी राजीवला घटस्फोट देत आहे.
इन्स्टाग्रामवर चारूने तिची मुलगी जियानासोबतच्या फोटोंचा एक स्लिंग पोस्ट करुन लिहिलंय, "बाळा तुला ९ महिन्याच्या वाढदिवसाबद्दल शुभेच्छा. माझ्या आयुष्यात येऊन जीवन सुंदर बनवल्याबद्दल तुझे आभार. मी तुझ्यावर प्रेम करते जान."
चारू असोपाने पोस्ट केलेल्या फोटोत ती आपल्या 9 महिन्यांच्या गोंडस मुलीसोबत सुंदर केशरी साडीत पोज देताना दिसत आहे, तिने तिचे केस एका अंबाड्यात बांधलेले आहेत ज्यावर तिने फुले माळली आहेत. पण सगळ्यात महत्त्वाची गोष्ट सगळ्यांचे लक्ष वेधून घेते ती म्हणजे तिने ल्यालेला सिंदूर.
यापूर्वी चारूने तिच्या व्लॉगमध्ये खुलासा केला होता की ती तिची मुलगी जियानाच्या चांगल्या भविष्यासाठी पती राजीव सेनला घटस्फोट देत आहे. चारूच्या राजीवसोबत घटस्फोटाच्या अफवा ऑनलाइन समोर आल्या होत्या, जेव्हा तिने त्याच्यासोबतचे तिचे सर्व फोटो सोशल मीडियावरून हटवले होते.
सिंदूरमधील तिचे फोटो पाहिल्यानंतर चाहत्यांना असे वाटू लागले आहे की या जोडप्याने आता आपला निर्णय बदलला आहे आणि घटस्फोटासाठी अर्ज दाखल केलेला नाही. "माझी इच्छा आहे की राजीव आणि तुम्ही पुन्हा एक व्हा आणि तुम्हाला जोडणारा दुवा आहे ZIANA." दुसर्‍या युजरने लिहिले की, “तुम्हाला काही हरकत नसेल तर तुम्ही आम्हाला सांगू शकता की हे फक्त शूटसाठी आहे की तुम्ही आणि राजीव पुन्हा प्रेम करत आहात.''
चारूने 2019 मध्ये अभिनेत्री सुष्मिता सेनचा भाऊ राजीवसोबत लग्न केले होते, पण लग्नानंतर लगेचच त्यांच्या घटस्फोटाच्या बातम्या पसरू लागल्या. दोघे गेल्या वर्षी नोव्हेंबरमध्ये जियानाचे पालक झाले. त्यांनी घटस्फोट का घेतला याचे खरे कारण अद्याप समजू शकलेले नाही.
हेही वाचा -लाल सिंग चड्ढा ट्विटर ट्रेंड : सोनू सूदने दिला आमिर खानला पाठिंबा
