मुंबई - बॉलिवूड अभिनेता रितेश देशमुख त्याचा 44 वा वाढदिवस साजरा करत आहे. मराठमोळ्या रितेशने गेल्या 2 दशकांमध्ये प्रेक्षकांना त्याच्या कॉमिक टाइमिंग आणि खेळकर आकर्षणाच्या प्रेमात पाडून अनेक वर्षांपासून त्यांची मने जिंकली आहेत.
सहज सुंदर अभिनयासोबतच रितेशने त्याची पत्नी जेनेलिया डिसूझा हिच्यासोबत त्याच्या इन्स्टाग्रामवर धमाल मजा मस्तीचे व्हिडिओ सादर करुन त्याच्या चाहत्यांचे मनोरंजन केले. तिला जिममध्ये खेचण्यापासून ते तिच्यासोबत डान्स रूटीन करण्यापर्यंत, या दोघांमध्ये शेअर केलेल्या 5 सर्वात सुंदर क्षणांवर एक नजर टाकूया.
या आनंदी क्यूट व्हिडिओमध्ये जेनेलियाने रितेशसोबत एक विनोद शेअर केला आहे. ती म्हणाली, "एक जोडपे होते, आणि बायकोची वागणूक खूप शांत स्वबावाची होती," ती असे म्हणताच रितेश हसायला लागतो. शेवटी जेनेलियाचा चिडलेला लूक पाहून रितेशला चूक झाल्याची जाणीव होते. या व्हिडिओतून या स्टार नवरा-बायकोचे नाते विनोदी पद्धतीने दिसून आले.
दिवाळीच्या दिवशी, रितेशने व्यायामशाळेच्या उपकरणांभोवती दोरीने खेचत त्याची स्नायू शक्ती दाखवली. तथापि, व्हिडीओचा ट्विस्ट तेव्हा आला जेव्हा जेनेलियालाही सोबत ओढले जात असताना बिनधास्त पद्धतीने डान्स करताना दिसते. अखेर दोघे गळाभेट घेतात आणि रितेश दिवाळीच्या शुभेच्छा देतो.