मुंबई :सलमान खानचा शो बिग बॉस ओटीटी 2 आता आपल्या रंगात येत आहे. या शोने 13व्या दिवसात प्रवेश केला आहे. नुकताच 13व्या दिवसाचा एक प्रोमो समोर आला आहे. या प्रोमोने सोशल मीडियावर धुमाकूळ घातले आहे. जिओ सिनेमावर प्रदर्शित होत असलेल्या शोच्या प्रोमोमध्ये, घरातील दोन स्पर्धक, जैद हदीद-आकांक्षा पुरी यांनी या शो दरम्यान असे काही केले आहे की ज्यामुळे सध्याला त्यांची चर्चा होत आहे . प्रोमोमध्ये असे दिसते आहे की जैद हदीद-आकांक्षा पुरी 30 सेकंदांसाठी लिप किस करत आहे. (एकमेकांच्या ओठांवर चुंबन घेत आहेत). आता शोच्या प्रोमोमधून आलेला हा व्हिडिओ सोशल मीडियावर आगीसारखा पसरला आहे. त्याचबरोबर सोशल मीडियावर आता यूजर्स सलमान खानवर जोरदार टीका करत आहे.
बिग बॉसच्या घरात सर्व मर्यादा ओलांडल्या : आकांक्षा पुरी आणि जैद हदीद गेल्या एपिसोडपासून चर्चेत होते कारण जैदने तिला अयोग्यरित्या स्पर्श करत होता. सोशल मीडियावर युजर्सनी मॉडेल जैदला हरमध्ये राहण्याची सूचना केली होती आणि आता आकांक्षासोबत जैदचा लिपलॉकचा सीन समोर आला तेव्हा सर्वांच युजरचे रक्त खवळले आहे. आता या दोघांची मैत्री फार घट्ट होत आहे. दरम्यान अविनाश सचदेवने जैद आणि आकांक्षा यांना घरात एक चॅलेंज दिले होते त्यानंतर या दोघांनीही ते आव्हान स्वीकारले होते. या चॅलेंजमध्ये दोघांनी घरात लावलेल्या 150 कॅमेऱ्यांसमोर एकमेकांना लिप किस करायचे असे सांगण्यात आले होते.