मुंबई : बॉलीवूडचा पठाण शाहरुख खान त्याच्या 'पठाण' चित्रपटामुळे भारावून गेला आहे. 'पठाण' बॉक्स ऑफिसवर एक महिना पूर्ण करत आहे आणि जगभरातील बॉक्स ऑफिसवर हा चित्रपट 1000 कोटी रुपयांच्या दिशेने वाटचाल करत आहे. 'पठाण'च्या अफाट यशानंतरही शाहरुख खान त्याच्या चाहत्यांना विसरलेला नाही. शाहरुख वेळोवेळी ट्विटरवर येत असतो आणि त्याच्या चाहत्यांच्या प्रश्नांना चोखपणे उत्तरे देत असतो. यावेळी, पुन्हा एकदा शाहरुख खान सोमवारी (20 फेब्रुवारी) ट्विटरवर सक्रिय दिसुन आले. यावेळीही शाहरुख खानचे चाहते, त्याचे मनमानी प्रश्नांनी मनोरंजन करत आहेत. त्याचवेळी एका व्यक्तीने स्पष्टपणे सांगितले की, तो शाहरुख विरुद्ध एफआयआर दाखल करणार आहे.
सुखी वैवाहिक जीवनाचे रहस्य : एका चाहत्याने विचारले की, तुमच्या चांगल्या वैवाहिक आयुष्याचे रहस्य काय आहे? याला उत्तर देताना शाहरुख खानने त्याच्या चाहत्याला म्हटले आहे की, 'गौरीचे हृदय आणि मन खूप साधे-सरळ आहे, ती आम्हाला प्रेम आणि कुटुंबातील चांगल्या गोष्टींवर विश्वास ठेवायला शिकवते'.
शाहरुख खानचा लकी नंबर :एका चाहत्याने विचारले की तुमचा लकी नंबर कोणता आहे?, यावर 'किंग ऑफ रोमान्स'चे उत्तर येते ते म्हणजे, 'यावेळी 1000 कोटी रुपयांपेक्षा जास्त रक्कम'. पठाणचे 1000 कोटींचे कलेक्शन होत असल्यामुळे शाहरुख खानने असे म्हटले आहे.