Ashneer Grovars sensational statement : कियारा अडवाणीमुळे घटस्फोट झाला असता म्हणणाऱ्या अश्नीर ग्रोव्हारच्या विधानाने खळबळ

कियारा अडवाणीच्या लग्नाच्या बातम्या झळकत असताना एक नवीच बातमी वाचकांचे लक्ष वेधत आहे. टीव्ही शो शार्क टँक इंडियाचे जज असलेल्या अश्नीर ग्रोव्हर यांनी खुलासा केला आहे की कियारा अडवाणीमुळे त्यांचा जवळजवळ घटस्फोट झाला होता.

मुंबई - सध्या बॉलिवूडमध्ये लगीनघाई जोरात सुरू आहे. बराच काळ लांबणीवर पडलेले सेलेब्रिटींचे विवाह पार पडत आहेत. अलिकडेच सुनिल शेट्टीची मुलगी आथिया शेट्टीचा क्रिकेटर के राहुलसोबत विवाह खंडाळ्यात पार पडला. त्याआधी विकी कौशल आणि कॅटरिना कैफचा शाही विवाह झाला. आता कियारा अडवाणी आणि सिद्धार्थ मल्होत्राच्या लग्नाची धूम सुरू झाली आहे. अशातच कियारा अडवाणीच्या लग्नाच्या बातम्या झळकत असताना एक नवीच बातमी वाचकांचे लक्ष वेधत आहे. टीव्ही शो शार्क टँक इंडियाचे जज असलेल्या अश्नीर ग्रोव्हर यांनी एकदा खुलासा केला आहे की कियारा अडवाणीमुळे त्यांचा जवळजवळ घटस्फोट झाला होता.

अश्नीर ग्रोव्हरने सांगितले की कियारा अडवाणीमुळे त्याचा घटस्फोट झाला असता. त्याने एक दोगलापन नावाच्या पुस्तकात याचा उल्लेख केला आहे. यात एक प्रकरण कियारा अडवाणीमुळे आपला घटस्फोट झाला असता यावर आहे.

एकदा अश्नीरच्या मित्रांनी त्याला त्याच्या लग्नाबद्दल विचारले असता तो म्हणाला की, मी विवाह जमवणाऱ्या संस्थेशी संपर्क केला होता. तेव्हा त्यांनी कियारा अडवाणी परफेक्ट मॅच होत असल्याचे सांगितले होते. तेव्हा कियारा त्याला योग्य नसल्याचे त्याच्या आईने सांगितले होते. तेव्हा अश्नीर गंमतीने आईला म्हणाला होता की, आजकाल बाजारात काय सुरू आहे याची कल्पना नाही. जर लग्न झाले असते तर कियारा तुझी सून झाली असती.

या चर्चेमुळे अश्नीरची पत्नी माधुरी जैन नाराज झाली व भडकून त्याच्याशी वाद घालू लागली. ती म्हणाली की मी जेव्हा तुझ्याशी लग्न केले तेव्हा तू कोणी नव्हतास. पत्नीने आग्रह केल्यामुळेच तो शार्क टँक इंडिया करण्यास तयार झाल्याची आठवणही तिने करुन दिली.

दरम्यान, कियारा अडवाणी आणि सिद्धार्थ मल्होत्राच्या लग्नाची तयारी जोरात सुरू आहे. जैसलमेर येथे होणाऱ्या लग्नासाठी वधू कियारा जैसलमेरमध्ये पोहोचली आहे. दि. ४ व ५ रोजी विवाहपूर्व विधी पार पडणार असून ६ फेब्रुवारी रोजी हे नवीन बॉलिवूड जोडपे लग्नबंधनात अडकणार आहे. सिद्धार्थ आणि कियारा यांनी त्यांच्या नात्याबद्दल कधीही उघडपणे बोलले नसले तरी त्यांनी ते नाकारलेही नव्हते. दोघांनी शहीद विक्रम बत्राच्या जीवनावर आधारित 2021 मध्ये बनलेल्या शेरशाह चित्रपटाच्या निर्मितीदरम्यान डेटिंगला सुरुवात केली होती. हा चित्रपट हिट झाला आणि चाहत्यांना त्यांची केमिस्ट्री खूप आवडली. आता ते लग्नाच्या बोहल्याच्या समीप पोहोचले आहेत.

हेही वाचा -Bride Kiara Advani : जैसलमेर विमानतळावर कियारा अडवाणी दाखल, लगीनघाई जोरात