मुंबई - Anushka Sharma Pregnant ? : अनुष्का शर्मा आणि विराट कोहलीच्या चाहत्यांसाठी एक आनंदाची बातमी आहे. या जोडप्याच्या घरात नवीन पाहुण्याचे लवकरच आगमन होणार आहे. वामिकानंतर आता हे कपल होणाऱ्या दुसऱ्या बाळाचं स्वागत करणार आहे. मिळालेल्या माहितीनुसार अनुष्का शर्मा बऱ्याच दिवसापासून कोणत्याही सार्वजनिक कार्यक्रमात दिसलेली नाही. याशिवाय असेही म्हटलं जातंय की, अनुष्का आणि विराट नुकतेच मॅटर्निटी क्लिनिकमध्ये स्पॉट झाले होते. प्रेगनेंसीबाबत ते लवकरच घोषणा करतील असं आश्वासन देऊन पापाराझींना फोटो शेअर न करण्याची विनंती केली त्यांनी केली होती. सध्या अनुष्का सार्वजनिक कार्यक्रमापासून अंतर राखत आहे. मिळालेल्या माहितीनुसार अनुष्काचा दुसरा किंवा तिसरा महिना सुरू आहे.
वामिकाचा चेहरा लपविला होता : अनुष्का आणि विराटनं आपली मुलगी वामिकाचा चेहरा बऱ्याचं दिवस जगापासून लपविला होता. वामिकाचा चेहरा मीडियानं दाखवू नये, अशी विनंती या दोघांनी आधीच केली होती. विराटनं एका मुलाखतीत याविषयी सांगितलं होतं की, 'आम्ही ठरवले आहे की जोपर्यंत ती स्वतःला समजत नाही आणि सोशल मीडियावर येण्याचा निर्णय घेत नाही तोपर्यंत आम्ही तिचा चेहरा दाखवणार नाही'. अनेकदा जेव्हा तिघेही एकत्र दिसतात तेव्हा पापाराझी वामिकासोबत असताना फोटो क्लिक करत नाही, जर फोटो क्लिक झाल्यास तिचा चेहरा दाखवत नाहीत. 2017मध्ये अनुष्का शर्मानं विराट कोहलीसोबत इटलीमध्ये मोठ्या थाटामाटात लग्न केलं होतं. हे खूप भव्य आणि शाही लग्न होत. या लग्नात काही सेलेब्रिटीनाचं आमंत्रण होतं.