मुंबई - Animal box office collection : रणबीर कपूर स्टारर 'अ‍ॅनिमल' बॉक्स ऑफिसवर जबरदस्त कमाई करत आहे. हा चित्रपट पहिल्याच दिवसापासून बॉक्स ऑफिसवर अनेक चित्रपटांचे विक्रम मोडत आहेत. संदीप रेड्डी वंगा आणि रणबीरच्या कॉम्बिनेशननं लोकांना इतके वेड लावले आहे की तिसर्‍या वीकेंडलाही थिएटरमध्ये आता हा चित्रपट पाहण्यासाठी खूप गर्दी होत आहे. या चित्रपटाचा क्रेझ इतका आहे की, 'अ‍ॅनिमल'नं आता देशांतर्गत 500 कोटीचा आकडा सहज पार केला आहे. जगभरात या चित्रपटानं 772.33 कोटीची कमाई केली आहे. हा चित्रपट लवकरच 1000 कोटी जगभरात कमाई करेल अशी सध्या अपेक्षा केली जात आहे.
'अ‍ॅनिमल'ची एकूण कमाई : 17 व्या दिवशीही 'अ‍ॅनिमल' शोला चांगला प्रेक्षकवर्ग मिळाला. सॅकनिल्कच्या रिपोर्टनुसार 'अ‍ॅनिमल'नं शनिवारी 12.8 कोटीची कमाई केली यानंतर या चित्रपटानं तिसऱ्या रविवारी बॉक्स ऑफिसवर 14.5 कोटी रुपयांचा व्यवसाय केला. रविवारच्या कमाईसह चित्रपटाच्या एकूण कलेक्शननं 512 कोटींचा आकडा पार केला आहे. यासह रणबीरच्या करिअरमधला हा पहिलाच चित्रपट ठरला आहे, ज्यानं 500 कोटींचा व्यवसाय केला आहे. अ‍ॅनिमल'नं फक्त जलद कमाईच केली नाही, तर शाहरुखच्या चित्रपटांच्या गतीशीही बरोबरी साधली.
अ‍ॅनिमल'चं बॉक्स ऑफिस एकूण कलेक्शन
शुक्रवार पहिला दिवस 63.8 कोटी
शनिवार दुसरा दिवस 66.27 कोटी
रविवार तिसरा दिवस 71.46 कोटी
पहिला सोमवार चौथा दिवस 43.96 कोटी
पहिला मंगळवार पाचवा दिवस 37.47 कोटी
पहिला बुधवार सहावा दिवस 30.39 कोटी
पहिला गुरुवार सात दिवस 24.23 कोटी
पहिला आठवडा एकूण कलेक्शन 337.58 कोटी