मुंबई - Animal Advance Booking Day 5 :अभिनेता रणबीर कपूर आणि अभिनेत्री रश्मिका मंदान्ना स्टारर बहुप्रतीक्षित चित्रपट 'अ‍ॅनिमल'च्या ट्रेलरनं कहर केला आहे. हा ट्रेलर चाहत्यांना खूप आवडला आहे. 26 नोव्हेंबरपासून 'अ‍ॅनिमल' चित्रपटाची आगाऊ बुकिंग सुरू झाली. या चित्रपटानं 7 लाखांहून अधिक तिकिटांची विक्री केली आहे. हा चित्रपट 1 डिसेंबर रोजी रुपेरी पडद्यावर प्रदर्शित होणार आहे. सॅकनिल्कच्या रिपोर्टनुसार या चित्रपटानं आगाऊ बुकिंगमध्ये 20 कोटींहून अधिक कमाई केली आहे. हिंदी शोसाठी 5,75,197 आणि तेलुगू शोसाठी 1,63,361 तिकिट विकल्या गेल्या आहेत.
'अ‍ॅनिमल' चित्रपटाचं अ‍ॅडव्हान्स बुकिंग : 'अ‍ॅनिमल'नं दिल्लीतून 4.07 कोटी रुपये, तेलंगणातून 4.14 कोटी रुपये, महाराष्ट्रातून 3.29 कोटी रुपये, कर्नाटकातून 2.23 कोटी रुपये, गुजरातमधून 1.49 कोटी रुपये, आंध्र प्रदेशातून 2.18 कोटी रुपये आणि उत्तरप्रदेशमधून 1.34 कोटी रुपये कमावले आहेत. सुमारे 100 कोटी रुपयांच्या बजेटमध्ये बनलेला 'अ‍ॅनिमल' हा चित्रपट देशांतर्गत 40 ते 50 कोटी आणि जगभरात 75 कोटींचा व्यवसाय करणार आहे. 'कबीर सिंग' आणि 'अर्जुन रेड्डी' यासारख्या दमदार चित्रपटांचे दिग्दर्शन संदीप रेड्डी वंगा यांनी केलं आहे.