मुंबई - Amitabh Bachchan Upcoming Movies :अमिताभ बच्चन गेल्या सहा दशकांपासून हिंदी चित्रपटसृष्टीवर राज्य करत आहेत. बिग बींनी 1969 साली चित्रपटसृष्टीत पदार्पण केलं आणि आजही त्यांचा प्रवास सुरूच आहे. बिग बींच्या हिट लिस्टमध्ये अनेक चित्रपट आहेत ज्यात डॉन, दिवार, त्रिशुल आणि शोले सारख्या अविस्मरणीय चित्रपट आहेत. बिग बी आजही आपल्या दमदार अभिनयानं रुपेरी पडद्यावर अधिराज्य गाजवत आहेत. आज 11 ऑक्टोबरला बिग बी त्यांचा 81वा वाढदिवस साजरा करत आहे. या निमित्तानं यांच्या आगामी चित्रपटांबद्दल जाणून घेणार आहोत.
'कल्कि 2898 एडी' :अमिताभ बच्चन नाग अश्विनच्या 'कल्की 2898 एडी' या चित्रपटात महत्त्वाच्या भूमिकेत दिसणार आहेत. दाक्षिणात्य सुपरस्टार प्रभास आणि दीपिका पदुकोण स्टारर हा चित्रपट 12 जानेवारी 2024 रोजी मकर संक्रांतीच्या मुहूर्तावर प्रदर्शित होईल. या चित्रपटात कमल हसन खलनायकाच्या भूमिकेत दिसणार असून दिशा पटानी आणि दाक्षिणात्य अभिनेता दुल्कर सलमान यांच्याही महत्त्वपूर्ण भूमिका आहेत. हा चित्रपट सध्या खूप चर्चेत आहे.
'गणपथ: हिरो इज बॉर्न' :टायगर श्रॉफ आणि क्रिती सेनन स्टारर 'गणपत: अ हिरो इज बॉर्न' या चित्रपटाचा ट्रेलर नुकताच प्रदर्शित झाला होता. ट्रेलरमध्ये अमिताभ बच्चन यांचीही झलक पाहायला मिळाली आहे. ट्रेलरमध्ये बिग बी एका वेगळ्या अंदाजात दिसले. हा चित्रपट 20 ऑक्टोबर रोजी हिंदी, तेलुगू, तमिळ, मल्याळम आणि तेलुगु भाषेत प्रदर्शित होणार आहे.