मुंबई- सुपरस्टार अमिताभ बच्चन यांनी बुधवारी त्यांच्या ब्लॉगवर लेटेस्ट तब्येतीबाबत अपडेट शेअर केले आहे आणि हे देखील सांगितले की ते घरी होळीचे उत्सव किती वाईटरित्या मिस करत आहेत. अमिताभ म्हणतात की, घराच्या वातावरणात निस्तेज झालो आहे आणि सर्व प्रकारच्या शारीरिक हालचालींपासून प्रतिबंध करण्यात आलाय. या आनंदी दिवसाच्या सणांमध्ये सहभागी होण्यास असमर्थ आहे. घरामध्ये होळीचा आनंद इतक्या जोमाने आणि इतक्या चांगल्या पद्धतीने साजरा केला गेला. काहीतरी बिघडले, चुकले आहे.. आता इतके वर्ष झाली आहेत, असे कधी घडले नव्हते..."
अमिताभ यांनी रविवारी ब्लॉगवर सांगितले होते की, हैदराबादमध्ये प्रोजेक्ट केच्या शूटिंगदरम्यान त्यांना गंभीर दुखापत झाली होती. बच्चन यांच्या बरगडीचे कूर्चा तुटले आणि त्याच्या उजव्या बरगडीच्या पिंजऱ्याच्या स्नायूला जखम झाली होती. त्यानंतर त्यांना तातडीने रुग्णयात दाखल करण्यात आले. सर्व प्रकारच्या तपासण्यानंतर त्यांना घरी विश्रांतीचा सल्ला देण्यात आला. त्यानुसार ते मुंबईतील आपल्या जलसा या राहत्या घरी विश्रांती घेत आहे.
दर दिवाळी आणि होळीच्या दिवशी बच्चन कुटुंबीय पार्टीचे आयोजन करत असते. या पार्टीला बॉलिवूडचे तारे सितारे हजर राहतात आणि होळीचा आनंद लुटतात. यंदाच्या होळीत सर्व काही होत आहे मात्र त्यात अमिताभ सहभागी होऊ शकत नाहीत याची खंत त्यांनी आपल्या लिखानात व्यक्त केली आहे.