मुंबई - The Archies : झोया अख्तरच्या आगामी 'द आर्चिज' चित्रपटाचे मंगळवार, 5 डिसेंबर रोजी स्पेशल स्क्रिनिंग झाले. या चित्रपटातून अनेक स्टार किड्स हिंदी चित्रपटसृष्टीत पदार्पण करत तयार आहेत, ज्यात पहिलं नाव अमिताभ बच्चन यांचा नातू अगस्त्य नंदाचं आहे. याशिवाय शाहरुख खानची मुलगी सुहाना खान आणि बोनी कपूरची मुलगी खुशी कपूर हे देखील या चित्रपटामध्ये मुख्य भूमिकेत दिसणार आहे. 'द आर्चिज' या चित्रपटाच्या प्रीमियरला हिंदी चित्रपटसृष्टीतील कलाकारांनी हजेरी लावली होती. यामध्ये शिल्पा शेट्टी, रणबीर कपूर, मलायका अरोरा, करण जोहर, शनाया कपूर, बॉबी देओल, रिया कपूर अनन्या पांडे, कतरिना कैफ, इसाबेल कैफ यांच्यासह 'द आर्चीज'च्या स्क्रिनिंगला संपूर्ण बच्चन आणि शाहरुख खानचे कुटुंब उपस्थित होते. श्वेता नंदा, नव्या नवेली यांनीही अगस्त्यला पाठिंबा देण्यासाठी या कार्यक्रमाला हजेरी लावली होती.
'द आर्चीज'चं स्क्रिनिंग : या स्क्रिनिंगमधील काही व्हिडिओ सोशल मीडियावर व्हायरल होत आहे. एका व्हिडीओमध्ये अमिताभ बच्चन देखील आपल्या कुटुंबासोबत फोटो काढण्यासाठी रांगेत उभे असल्याचं दिसत आहे. याशिवाय दुसऱ्या एका व्हिडिओमध्ये ऐश्वर्या राय बच्चन ही पती अभिषेक, मुलगी आराध्या आणि अगस्त्य नंदासोबत फोटोसाठी पोझ देताना दिसत आहे. या इव्हेंटमध्ये स्टार्सचा एवढा मेळावा होता की, रेड कार्पेटवर फोटो क्लिक करण्यासाठी प्रत्येकाला रांगेत उभे राहावे लागले. याशिवाय अमिताभ बच्चन यांचा नातू अगस्त्य नंदाच्या चित्रपटाच्या स्क्रिनिंगला रेखाची उपस्थिती आश्चर्यचकित करणारी होती. रेखा, अमिताभ आणि जया बच्चन एकत्र दिसण्याचा हा खास प्रसंग होता. यावेळी रेखानं झोयासोबत फोटोसाठी पापाराझीला पोझ दिली.