sky with 5 planets aligned together : अमिताभ बच्चन यांनी टिपले आकाशात 5 ग्रह एकत्र आल्याचे दुर्मिळ दृश्य

मेगास्टार अमिताभ बच्चन यांनी आकाशात एका वेळी पाच ग्रह एकाच रेषेत एकत्र आलेला एक दुर्मिळ व्हिडिओ शेअर केला आहे. ग्रहांचा हा अद्भूत नजारा प्रेक्षणीय आहे. बच्चन यांनी हा व्हिडिओ शेअर करताच त्यांच्या कमेंट सेक्शनमध्ये प्रतिक्रियांचा वर्षाव झाला आहे.

मुंबई- मेगास्टार अमिताभ बच्चन यांनी मंगळवारी आकाशातील पाच ग्रह एकत्र जोडलेले दुर्मिळ दृश्य सुंदरपणे टिपले. अमिताभ यांनी एका फ्रेममध्ये पाच ग्रहांचा व्हिडिओ इंस्टाग्रामवर शेअर करुन चाहत्यांना अवकाशातील नजारा दाखवून दिला आहे. व्हिडिओमध्ये, बुध, शुक्र, मंगळ, गुरू आणि युरेनस हे सर्व ग्रह एका सरळ रेषेत सुंदरपणे दिसत आहेत.

आकाशात 5 ग्रह एकत्र आल्याचे दुर्मिळ दृश्य - व्हिडिओ शेअर करताना अमिताभ यांनी लिहिले, 'किती सुंदर दृश्य आहे...! आज 5 ग्रह एकत्र आले आहेत... सुंदर आणि दुर्मिळ... आशा आहे की तुम्हीही ते पाहिले असेल.' व्हिडिओ पोस्ट होताच त्याला 8 दशलक्षाहून अधिक व्ह्यूज आणि 2 दशलक्ष लाईक्स मिळाले आहेत. इंडस्ट्रीतील सदस्यांनीही कमेंट सेक्शनमध्ये भरभरून प्रतिसाद दिला आहे. शिल्पा शेट्टीने लिहिले, 'वाह.' संजय दत्तची पत्नी मान्यता हिने लिहिले, 'अप्रतिम!' सिध्दांत कपूरने एक कमेंट टाकली, 'आश्चर्यकारक हे खूप सुंदर होते, हे स्टेलारियम या अप्रतिम अॅपने कॅप्चर केले आहे. मी हे देखील कधीतरी पोस्ट केले होते.'

जलसा बंगल्या बाहेर गर्दीला सामोरे गेले बिग बी - बिग बी 'प्रोजेक्ट के' च्या सेटवर झालेल्या दुखापतीतून सावरत असून त्यांनी पुन्हा काम सुरू केले आहे. 'जलसा' बाहेर उभ्या असलेल्या त्याच्या चाहत्यांना अभिवादन करण्याचा रविवारचा उपक्रमही त्यांनी पुन्हा सुरू केला. सोमवारी त्यांच्या ब्लॉगवर अमिताभ यांनी चाहत्यांसह त्यांच्या भेट आणि शुभेच्छा सत्रातील फोटो शेअर केले. फोटोमध्ये, ते होममेड स्लिंग परिधान केलेले दिसत होते. रविवारी शुभचिंतकांचे आशीर्वाद घेतले. त्यांच्या प्रती माझे प्रेम आणि कृतज्ञता आहे. हा सिलसिला आता सुरु राहिल अशा आशयाची पोस्ट त्यांनी लिहिली होती. बिग बींनी त्यांच्या निवासस्थानाबाहेर जमलेल्या चाहत्यांची छायाचित्रेही त्यांच्या पोस्टर्स आणि बॅनरसह शेअर केली.

अमिताभ यांना प्रोजेक्ट केच्या सेटवर दुखापत - मार्चच्या सुरुवातीलाच अमिताभ यांनी हैदराबादमध्ये 'प्रोजेक्ट के'च्या शूटिंगदरम्यान दुखापत झाल्याचा खुलासा केला होता. यात त्यांच्या बरगडीला मोठी दुखापत झाली होती. 'हैदराबादमध्ये प्रोजेक्ट K च्या शूटच्या वेळी, अॅक्शन शॉट दरम्यान, जखमी झालो, बरगडी कूर्चा फुटला आणि उजव्या बरगडीच्या पिंजऱ्यात स्नायू फाटले. शूट रद्द केले, हैदराबादच्या एआयजी हॉस्पिटलमध्ये सीटीद्वारे डॉक्टरांचा सल्ला घेतला आणि स्कॅन करून घरी परतलो, 'असे त्यावेळी अमिताभ यांनी पोस्ट केली होती.

अमिताभ यांची वर्कफ्रंट- नाग अश्विन दिग्दर्शित, 'प्रोजेक्ट के' हा द्विभाषिक चित्रपट आहे जो एकाच वेळी दोन भाषांमध्ये म्हणजेच हिंदी आणि तेलुगूमध्ये विविध ठिकाणी शूट केला गेला आहे. दीपिका पदुकोण आणि प्रभास या चित्रपटात महत्त्वाच्या भूमिकेत आहेत. त्याशिवाय, अमिताभ बच्चन हे रिभू दासगुप्ताच्या आगामी कोर्टरूम ड्रामा चित्रपट 'सेक्शन 84' मध्ये देखील दिसणार आहेत

हेही वाचा -Kangana Ranaut Claims : करण जोहरनेच प्रियांका चोप्राचा छळ केला आणि बंदी घातली, कंगना रणौतचा सनसनाटी दावा