मुंबई : बॉलिवूडची अभिनेत्री आलिया भट्ट सध्या तिच्या आगामी 'रॉकी और रानी की प्रेम कहानी' या चित्रपटामुळे चर्चेत आहे. हा चित्रपट २८ जुलै, २०२३ रोजी रूपेरी पडद्यावर प्रदर्शित होणार आहे. तसेच आलियाला चित्रपटसृष्टीत तिच्या क्यूटनेससाठी इन्डस्ट्रीमध्ये ओळखल्या जाते. याशिवाय ती अनेकदा बाहेर देखील आपल्या कुटुंबासोबत दिसते. दरम्यान मुंबईमध्ये काल रात्री आलिया भट्ट तिची आई सोनी राजदान आणि बहीण शाहीन भट्टसोबत डिनर गेली असताना तिने असे काही केले की, ज्यामुळे आलियाची चर्चा ही सोशल मीडियावर होत आहे.
काय केले आलियाने :आलिया भट्टला काल रात्री रेस्टॉरंटमधून निघताना पापाराझीने स्पॉट केले. यावेळी आलिया ही कॅज्युअल लूकमध्ये दिसली तिने पांढऱ्या आणि निळ्या रंगाचा टॉपसह काळ्या रंगाचा बेल बॉटम परिधान केला होता या लूकमध्ये ती फार सुंदर दिसत होती. या व्हिडिओमध्ये आलिया ही आपल्या आईचा हात पकडून चालताना दिसत आहे. तसेच व्हिडिओत आलिया ही फोटोग्राफरसोबत बोलताना दिसत आहे. दरम्यान व्हिडिओमध्ये असे दिसत आहे की, आलियाच्या गाडीजवळ चप्पल पडली आहे. त्यानंतर जेव्हा आलियाची नजर या चप्पलवर पडली तेव्हा ती विचारते की हे काय आहे, आणि कोणाचे आहे. त्यानंतर पापाराझी एक कॅमेरामॅन तिला सांगतो की ही त्याची चप्पल आहे. तेव्हा आलिया कुठलाही विचार न करता ती चप्पल आपल्या हातात उचलते आणि विचारते की ही चप्पल कोणाची आहे. त्यानंतर ती तिथे उपस्थित असणाऱ्या एका फोटोग्राफरला ती चप्पल देते.