मुंबई - Ahan Shetty and Tania Shroff break up : अभिनेता सुनील शेट्टीचा मुलगा अभिनेता अहान शेट्टी सध्या चर्चेत आहे. अहानचे 11 वर्षाचे जुने नाते तुटल्याची बातमी आता समोर येत आहे. अहान शेट्टीनं गर्लफ्रेंड तानिया श्रॉफसोबत ब्रेकअप केलं आहे. अहान आणि तानिया गेल्या 11 वर्षांपासून एकमेकांना डेट करत होते. तानिया आणि अहान अनेकदा डिनर डेटला एकत्र दिसतात. हे कपल लहानपणापासून एकत्र शिकले आणि नंतर एकमेकांच्या प्रेमात पडले. तानिया अहानच्या अनेक फॅमिली फंक्शन्सलाही हजेरी लावताना दिसली आहे. याशिवाय ती अहान शेट्टीची बहीण आणि अभिनेत्री अथिया शेट्टीच्या लग्नातही दिसली होती.
तानिया श्रॉफ आणि अहान शेट्टीचं ब्रेकअप : तानिया बॉयफ्रेंड अहानच्या डेब्यू चित्रपट 'तडप'च्या शूटिंग सेटवर त्याच्यासोबत दिसली होती. याशिवाय ती स्क्रीनिंगला देखील हजर होती. दरम्यान या जोडप्याच्या ब्रेकअपच्या बातमीला दुजोरा मिळालेला नाही. तानिया उद्योगपती जयदेव आणि रोमिला श्रॉफ यांची मुलगी आहे. ती एक मॉडेल आणि डिझायनर आहे. मिळालेल्या माहितीनुसार या जोडप्याचं ब्रेकअप होऊन एक महिना झाला आहे. या कपलचं ब्रेकअपचे कारण समोर आलेलं नाही. या बातमीवर कोणतीही प्रतिक्रिया या जोडप्याकडून आलेली नाही. पण दोघांनीही बऱ्याच दिवसांपासून एकही पोस्ट शेअर केलेली नाही. याशिवाय अहान आणि तानिया एकत्र देखील दिसले नाहीत, त्यामुळं त्याचं ब्रेकअप झालं समजलं जात आहे.