मुंबई : प्रभास, सैफ अली खान आणि क्रिती सेनॉन स्टारर आदिपुरुष या चित्रपटला बॉक्स ऑफिसवर सतत संघर्ष करावा लागत आहे. चित्रपटाच्या कलेक्शनात पहिल्या सोमवारपासून सातत्याने घट होत आहे मात्र आठवड्याच्या शेवटी या चित्रपटाने थोडी कमाई केली होती, पण गुरुवारी, कार्तिक आर्यन आणि कियारा अडवाणी स्टारर 'सत्यप्रेम की कथा रिलीज झाल्यानंतर', आदिपुरुष या चित्रपटाने 1 कोटीच्या खाली कमाई केली आहे. आदिपुरुष हा चित्रपट कमाईच्याबाबत सध्याला धोक्यात आहे. आदिपुरुषने 29 जून रोजी दोन आठवडे पूर्ण केले आहेत आणि आता रिलीजच्या 15 व्या दिवसात हा चित्रपट सुरू आहे. या चित्रपटाने 14 व्या दिवशी फारच कमी कमाई केली आहे. आता या चित्रपटाला तिसरा आठवडा खेचणे कठीण जाणार आहे. चित्रपटाची एकूण कमाई 450 कोटींच्या पुढे गेली असली तरी 'सत्यप्रेम की कथा प्रदर्शित होताच आदिपुरुषचे कलेक्शन 1 कोटींच्या खाली गेले आहे. 14 व्या दिवशी आदिपुरुषांनी किती कमाई केली ते जाणून घेऊया.
14 व्या दिवशी आदिपुरुषाने किती कमाई केली : आदिपुरुष या चित्रपटाला बॉक्स ऑफिसवर फार जास्त सतत संघर्ष करावा लागत आहे. चित्रपटाने 14 व्या दिवशी एक कोटीपेक्षा कमी कमाई केली आहे. आदिपुरुषने 14 व्या दिवशी 90 लाख (अंदाजित) कमावले आहेत, देशांतर्गत या चित्रपटाला 300 कोटींचा आकडा गाठणे फार कठीण जात आहे. दरम्यान देशांतर्गत चित्रपटगृहांमध्ये चित्रपटाचे एकूण कलेक्शन 281.98 कोटी रुपयांवर गेले आहे आणि आता या चित्रपटासाठी 300 कोटींची कमाई करणे कठीण जाणार आहे.