हैदराबाद- मिस्टर परफेक्शनिस्ट अभिनेता आमिर खान त्याच्या आगामी लाल सिंग चड्ढाच्या रिलीजची प्रतीक्षा करीत आहे. त्याने या चित्रपटाचे खास स्क्रिनिंग हैदराबादमध्ये तेलुगु सेलेब्रिटींसाठी आयोजित केले होते. यावेळी मेगास्टार चिरंजीवी, नागार्जुन, एसएस राजामौली, सुकुमार आणि नागा चैतन्य या कलाकारांनी आमिरसोबत हा चित्रपट पाहिला.
लाल सिंग चड्ढाला तेलगू चित्रपटातील व्यक्तींसोबत पाहत असल्याचा आमिरचा फोटो सोशल मीडियावर शेअर करण्यात आले आहेत. फोटोमध्ये दिसणारा नागा चैतन्य चित्रपटात महत्त्वाची भूमिका साकारत आहे.
लाल सिंग चड्ढा हा टॉम हँक्सची मुख्य भूमिका असलेल्या फॉरेस्ट गंप या इंग्रजी चित्रपटाचा हिंदी रिमेक आहे. अद्वैत चंदन दिग्दर्शित या चित्रपटात करीना कपूर खान आणि मोना सिंग यांच्याही भूमिका आहेत. 11 ऑगस्टला अक्षय कुमारच्या रक्षाबंधनासोबत हा सिनेमा थिएटरमध्ये दाखल होणार आहे.