मुंबई- शाहरुख खान २ नोव्हेंबर रोजी त्याचा वाढदिवस साजरा करत आहे. सिनेमाच्या जगतात शाहरुख खान एक असा अभिनेता आहे ज्याच्या लोकप्रियतेवर त्याच्या बॉक्स ऑफिसवरील यश आणि अपयशांचा कोणताही परिणाम होत नाही. वाढदिवसाच्या निमित्ताने सोशल मीडियावर प्रेम करणाऱ्यांची संख्या अतिप्रचंड आहे, तशीच त्याच्या बंगल्याच्या बाहेर त्याची झलक पाहण्यासाठी येणाऱ्यांचीही संख्या प्रचंड आहे. भारत आणि जगभरातील लाखो सिनेप्रेमींच्या हृदयावर राज्य करत असल्यामुळे त्याला किंग खान म्हटले जाते, यात काही आश्चर्य वाटण्यासारखे काही नाही. त्याच्या या अफाट यशाचे श्रेय त्याच्या सिनेमांना, त्यामागे काम करणाऱ्या क्रिएटीव्ह टीमला, दिग्दर्शक, निर्माता यांना तो देत असतो. त्याला या यशाच्या शिखरावर पोहोचवण्यासाठी अनेक घटक कारणीभूत आहेत त्यामध्ये सदाबहार हिट ठरलेली गाणीही आहेत. आपण त्याच्या शेकडो गाण्यातील टॉप १० गाण्यांची निवड त्यासाठी केली आहे. पाहा ही गाणी...
1.तुझे देखा तो ये जाना सनम (दिलवाले दुल्हनिया ले जायेंगे)
जर एखादे गाणे शाहरुख खानचे समानार्थी बनले असेल तर ते हे असावे. मोहरीच्या शेतातील या गाण्यातून शाहरुख आणि काजोलने करोडोंना प्रेमात पाडले.
२.छैय्या छैय्या (दिल से)
आपल्या गूढ प्रियकराबद्दल गाणारा एक माणूस ट्रेनच्या टपावर बसून शाहरुखच्या रुपात दिसला होता. ए.आर. रहमानच्या संगीतापासून ते गुलजारची कविता आणि सुखविंदर सिंगच्या अप्रतिम आवाजापर्यंत, हे एक उत्कृष्ट गाणे आहे. शाहरुख खान आणि मलायका अरोराचे चालत्या ट्रेनमध्ये डान्स करतानाचे जबरदस्त दृश्य आपण कधीच विसरू शकत नाही.
३.ये दिल दिवाना (परदेस)
रिलीज झाल्यावर, ये दिल दीवाना हे तुटलेल्या हृदयांचे गीत बनले. आजही हजारो प्रेम विरांचे हे ह्रदयाची धडकन वाढवणारे गाणे आहे.
४.सूरज हुआ मधम (कभी खुशी कभी गम)
शाहरुख खान, काजोल आणि इजिप्त. याबद्दल अधिक बोलण्याची गरज नाही. आजही हे गाणे ऐकून प्रेमात पडलेले गहिवरुन जातात आणि नृत्यासाठी पाथ थिरकवतात.
5.मैं कोई ऐसा गीत गाउं (येस बॉस)
शाहरुख खानला पाहल्यानंतर जाणवंत ते प्रेम आणि हे गाणे देखील प्रेमाचंच आहे. येस बॉस मधील शाहरुख खान आणि जुही चावला सोबतचे हे गोड गाणे सर्व काळात गोडच ठरत आले आहे.