मुंबई - बॉलिवूड स्टार आलिया भट्टने ( Alia Bhatt ) शुक्रवारी सांगितले की तिने तिच्या पहिल्या हॉलिवूड चित्रपट हार्ट ऑफ स्टोनचे ( Heart of Stone ) शुटिंग पूर्ण केले आहे. स्पाय थ्रिलरमध्ये वंडर वुमन स्टार गॅल गॅडॉट ( Gal Gadot ) आणि बेलफास्ट अभिनेता जेमी डोर्नन ( Jamie Dornan ) देखील आहेत. ग्रेग रुका आणि अॅलिसन श्रोडर यांनी लिहिलेल्या स्क्रिप्टमधून नेटफ्लिक्स निर्मित या चित्रपटाचे दिग्दर्शन टॉम हार्पर ( Tom Harper ) यांनी केले आहे.
आलिया भट्टने चित्रपटाच्या सेटवरील फोटोंच्या मालिकेसह इन्स्टाग्रामवर तिच्या चाहत्यांसाठी आपले अपडेट शेअर केले आहे. अविस्मरणीय अनुभवासाठी तिने तिच्या सहकलाकारांचे आणि दिग्दर्शकाचे आभार मानले आहेत.
चित्रपटाच्या शूटिंगसाठी लंडनमध्ये राहत असताना आलियाने तिच्या गरोदरपणाची घोषणा केली होती. त्यानंतर तिने पती रणबीर कपूरकडे घरी परत येण्याची उत्सुकताही व्यक्त केली होती. "पण आत्तासाठी.. मी घरी येत आहे बेबी," असे तिने हार्ट इमोजीसोबत लिहिले होते.