मुंबई -सोशल मीडियावर खळबळ माजवणाऱ्या 'कच्चा बदाम' या व्हायरल गाण्याचे भूत अद्याप लोकांच्या डोक्यातून उतरलेले नाही. गायक भुबन बड्याकरच्या 'कच्चा बदम' या गाण्याचे रील्स बनवून केवळ देशातच नाही तर परदेशातही सोशल मीडियावर व्हायरल केले जात आहे.
या व्हायरल गाण्यावर बॉलिवूडकरसुद्धा स्वतःला डान्स करण्यापासून रोखू शकले नाही. आता बॉलिवूडची धक धक गर्ल माधुरी दीक्षितने कच्चा बदाम या व्हायरल गाण्यावर जबरदस्त डान्स केला आहे. कच्चा बदामवर माधुरी दीक्षितने एकटीने नाही तर अभिनेता रितेशनेही तिला डान्समध्ये साथ दिली आहे.
माधुरी दीक्षितने तिच्या इंस्टाग्राम अकाऊंटवर रितेश देशमुखसोबत कच्चा बदामवर डान्स करतानाचा व्हिडिओ शेअर केला आहे. व्हिडिओमध्ये माधुरीने सिल्व्हर कलरचा लेहेंगा घातला आहे. त्याचबरोबर रितेशने काळ्या रंगाचा सूट घातला आहे. 'कच्चा बदाम' या व्हायरल गाण्यावर माधुरी आणि रितेश तालावर ठेका धरताना दिसत आहेत. गाण्याच्या अखेरीस माधुरी कंबर लचकवत रितेशला जोरदार धक्का देते आणि मिश्किल हसताना दिसते.