मुंबई- हॉलिवूडमधील सर्वात महागडे बजेट असलेला हृदयस्पर्शी मेगा ब्लॉकबस्टर चित्रपट 'अवतार'च्या दुसऱ्या भागाचा ट्रेलर रिलीज झाला आहे. गेल्या दहा वर्षांपासून प्रेक्षक या चित्रपटाच्या सिक्वेलची वाट पाहत होते. आता चाहत्यांची प्रतीक्षा संपली आहे. कारण 'अवतार : द वे ऑफ वॉटर'चा ट्रेलर रिलीज झाला आहे. हा चित्रपट या वर्षाच्या अखेरीस प्रदर्शित होणार आहे. विशेष म्हणजे या चित्रपटाची पहिली झलक २७ एप्रिल रोजी लास वेगास येथील सिनेमाकॉनमध्ये पाहायला मिळाली होती.
कसा आहे ट्रेलर? -जर तुम्ही चित्रपटाचा पहिला भाग पाहिला नसेल आणि तुम्ही हॉलिवूड चित्रपटांचे चाहते असाल तर तुम्ही तो जरूर पाहावा. कारण चित्रपटाचा दुसरा भाग पाहणे रंजक ठरणार आहे. चित्रपटाच्या पहिल्या भागानुसार, ही कथा Pandora ग्रहाभोवती फिरते. Pandora हा अल्फा सेंच्युरीच्या ग्रहाचा चंद्रासारखा उपग्रह आहे, जिथे वातावरण पृथ्वी ग्रहापेक्षा अधिक आकर्षक आणि अतुलनीय आहे. पृथ्वीवर जीवनासारखे जीवन आहे आणि लोकांमध्ये भिन्न प्रकारचे विचार आणि शक्ती आहे.
यावेळी चित्रपटात मुख्य कलाकार एकटे नसून त्यांची मुलंही दिसणार आहेत. पेंडोराचे सुंदर आणि चमकदार निळे पाणी ट्रेलरमध्ये दिसते. ट्रेलरमध्ये नावीचा एक डायलॉग देखील आहे ज्यामध्ये तो म्हणतो, 'जिथे जाऊ, हा परिवारच आमचा किल्ला आहे.'