जेनिफर लोपेझने वाढदिवस प्रसंगी पोस्ट केली न्यूड फोटोशूटची झलक

पॉप स्टार-अभिनेत्री जेनिफर लोपेझने 24 जुलै रोजी आपला वाढदिवस साजरा केला. या प्रसंगी, गायिकेने तिच्या नग्न फोटोशूटची एक झलक शेअर करून तिच्या चाहत्यांना खूश करुन सोडले.

वॉशिंग्टन (यूएस)- नुकतीच 53 वर्षांची झालेली गायिका जेनिफर लोपेझने ( Singer Jennifer Lopez ) तिच्या न्यूड फोटोशूटची एक झलक शेअर करून चाहत्यांना आश्चर्यचकित केले. इंस्टाग्रामवर जेनिफरने रविवारी एक व्हिडिओ पोस्ट केला ज्यामध्ये ती तिच्या JLO ब्युटी ब्रँडमधून ( JLo Beauty brand ) तिच्या नवीन JLO बॉडी लाइनच्या लॉन्चसाठी वेगवेगळ्या पोझ देत असताना तिच्या शरीरावर लोशन लावताना दिसत आहे.

"आम्ही आमच्या चेहऱ्यावरील त्वचेची सर्व काळजी घेतो आणि लक्ष देतो, परंतु आम्ही कधीकधी शरीराकडे दुर्लक्ष करतो. शरीराच्या विशिष्ट आणि अद्वितीय गरजा पूर्ण करण्यासाठी स्किनकेअर दिनचर्या तयार करणे माझ्यासाठी महत्त्वाचे होते आणि आम्ही बुटीपासून सुरुवात केली, " असे तिने इंस्टाग्रामवर पोस्ट लिहिली आहे.

जेनिफरच्या लेटेस्ट फोटोशूटने चाहते घायाळ झाले आहेत.एका चाहत्याने कमेंट केली, "कालातीत सौंदर्यासह माझी सुपरस्टार मूर्ती आणि 53 वर्षांची सुपर हॉट मामा." "ओह माय गॉड! सेक्सी," असे दुसऱ्याने लिहिले. एका इंस्टाग्राम युजरने लिहिले, “तू फायर आहेस."

जेनिफरने लास वेगासमध्ये बेन ऍफ्लेकसोबत शपथ घेतल्यानंतर तिचा वाढदिवस साजरा करत आहे. गेल्या आठवड्यात, जेनिफरने तिच्या ऑन द जेएलओ वृत्तपत्रात खुलासा केला की तिने आणि अॅफ्ले यांनी ए लिटिल व्हाईट चॅपलमध्ये लग्न गाठ बांधली. वृत्तपत्रात, तिने लिहिले, "तुम्ही कधीही कल्पना करू शकत नसलेल्या जुन्या चित्रपटातील ड्रेस आणि बेनच्या कपाटातील एक जाकीटसह आम्ही छोट्या चॅपलमध्ये आम्ही स्वतः शपथ वाचली आणि आमच्या उर्वरित आयुष्यासाठी एकमेकांना अंगठ्या दिल्या.," तिने पुढे म्हटलंय की, "आम्हाला हवे तेच घडले."

गिगली चित्रपटाच्या सेटवर भेटल्यानंतर बेनने 2002 मध्ये जेनिफरला प्रपोज केले होते. परंतु या जोडप्याने 2004 मध्ये त्यांची एंगेजमेंट रद्द केली. दोघेही वेगळ्या वाटेने गेल्यानंतर, या जोडप्याच्या मे 2021 मध्ये रोमान्सच्या अफवा पसरल्या होत्या. तेव्हा ते मोंटानामध्ये सुट्टीवर असताना एकमेकांचा हात धरून दिसले होते.

हेही वाचा -युरोपमधील रोमँटिक सुट्टीवरुन सबा आझादसह मुंबईत परतला ह्रतिक रोशन