मुंबई - संपूर्ण देशभरात सध्या लोकसभा निवडणुकांची रणधुमाळी सुरू आहे. आज मुंबईत चौथ्या टप्प्यातील मतदान पार पडत आहे. अनेक कलाकारांनी सकाळपासून मतदान केंद्रावर हजेरी लावून मतदानाचे कर्तव्य बजावले. बॉलिवूडचा 'दबंग' स्टार सलमान खान यानेही बांद्रा येथील मतदान केंद्रावर मतदान केले. विशेष म्हणजे 'दबंग-३'च्या शूटिंगमधुन ब्रेक घेऊन तो मतदानासाठी मुंबईत आला होता.
'दबंग-३' च्या शूटिंगमधून ब्रेक घेऊन सलमान खानने बजावला मतदानाचा हक्क 'दबंग-३'चे शूटिंग इंदौर येथे सुरू होते. मात्र, आज मुंबईत शेवटच्या टप्प्यातील मतदान असल्यामुळे सलमानने शूटिंगमधुन ब्रेक घेतला. त्याने बांद्रा येथील मतदान केंद्र क्रमांक २८३ वर जाऊन मतदानाचा हक्क बजावला.
सलमानसोबत त्याच्या कुटुंबियांनेही मतदान केले. यावेळी त्याच्यासोबत सलीम खान, सीमा खान, अरबाज खान आणि सोहेल खान यांनीही मतदान केले. सलमानने मतदान केल्यानंतर एक फोटोही त्याच्या ट्विटर अकाऊंटवर शेअर करून चाहत्यांना मतदानाचे आवाहन केले आहे.
