ठाणे -महापालिकेच्या ११०० मिमी व्यासाच्या जलवाहिनीवरील मेट्रो कामांतर्गत हरदासनगर येथे व्हॉल्व स्थलांतरीत करणे तसेच साकेत पुलाखाली मुख्य वाहिनीवरील क्रॉस कनेक्शचा व्हॉल्व्ह बदली करण्यासाठी महानगरपालिकेचा स्वत:चा पाणीपुरवठा व स्टेम प्राधिकरण यांच्यामार्फत शहरास होणारा पाणीपुरवठा बंद राहणार आहे.
या परिसरातील पुरवठा बंद
शुक्रवार दिनांक ४ डिसेंबर रोजी सकाळी ०९.०० ते शनिवार ५ डिसेंबर, २०२० रोजी सकाळी ९ वाजेपर्यंत २४ तास पाणीपुरवठा बंद ठेवण्यात येणार आहे. ४ डिसेंबरला सकाळी ९ ते शनिवार ५ डिसेंबर रोजी सकाळी ९ वाजेपर्यंत शहरातील सिध्देश्वर, जॉन्सन, समतानगर, इटर्निटी, जेल परिसर, साकेत, ऋतूपार्क, घोडबंदर रोड, कोठारी कंपाउंड, इंदिरानगर, लोकमान्यनगर, गांधीनगर, किसननगर, श्रीनगर, वागळे इस्टेस्ट, कळव्याचा काही भाग व मुंब्र्याचा काही भाग इत्यादी ठिकाणचा पाणीपुरवठा बंद राहणार आहे.
पुढील एक ते दोन दिवस कमी दाबाने पुरवठा
या शटडाऊनमुळे पाणीपुरवठा पूर्वपदावर येईपर्यंत पुढील एक ते दोन दिवस कमी दाबाने पुरवठा होणार असून, नागरिकांनी पाण्याचा योग्यतो वापर करून पालिकेस सहकार्य करावे, असे आवाहन पाणीपुरवठा विभागाने केले आहे.
