ठाणे -भरधाव दुचाकी गतीरोधकावरून उडून समोरून येणाऱ्या कारला धडकल्याने दुचाकीवरील दोघे ही तरुण गंभीर जखमी झाल्याची घटना समोर आली आहे. ही घटना अंबरनाथ शहरातील रॉयल पार्क परिसरात घडली. या घटनेचा थरार सीसीटीव्हीत कैद झाला आहे. या प्रकरणी अंबरनाथच्या शिवाजीनगर पोलीस ठाण्यात अपघाताचा गुन्हा दाखल करण्यात आला आहे.
दोन तरुण दुचाकीवरून भरधाव वेगात अंबरनाथच्या रॉयल पार्क परिसरातून 15 जानेवारीला सांयकाळी 5 च्या सुमारास जात होते. त्यावेळी भरधाव वेगाने जाणारी दुचाकी गतीरोधकवरून उडून दुचाकीस्वाराचे नियंत्रण सुटल्याने समोरून येणाऱ्या एका कारला जावून धडकली. या अपघात दुचकीस्वार आणि त्याच्या मागे बसलेला तरुण असे दोघे जण फरफटत गेले. हे दोन्ही तरुण गंभीर जखमी झाले. जखमी तरुणांना पाहून परिसरातील नागरिकांनी घटनास्थळी धाव घेतली. त्यांना उपचारासाठी नजीकच्या एका खासगी रुग्णालयात दाखल केले. दोन्ही तरुण जखमी अवस्थेत असल्याने पोलिसांना त्यांची नावे समजू शकलेली नाहीत.
