ठाणे - मुंब्रा येथील एका व्यापाऱ्याकडे खंडणी मागणाऱ्या दोघांना मुंब्रा पोलिसांनी अटक केली आहे. हे लाचलुचपत प्रतिबंधित विभागाचे अधिकारी असल्याची बतावणी करून खंडणी मागत होते. अलमदर पुन्जा आणि जयेश सोनावणे, असे अटक केलेल्यांची नावे आहेत.
पोलीस निरीक्षक मधुकर कड
एक लाख रुपयाची मागणी-
मुबशीर शेख यांचे रशिद कम्पाउंड येथील हशमत चौकात सुपारी विक्रीचे दुकान आहे. शनिवारी रात्री या दुकानात जाऊन अलमदर पुन्जा आणि जयेश सोनावणे यांनी ते नवी मुंबईतील लाचलुचपत प्रतिबंधित विभागातील अधिकारी असल्याचे शेख यांना सांगितले. तसेच तुमच्या दुकानामध्ये गुटख्याची विक्री होत असल्यामुळे तुमच्यावर गुन्हा दाखल करण्यात येत आहे. यातून वाचायचे असल्यास एक लाख रुपये द्या, अशी मागणी केली.