BMC Pipeline burst : मुंबईला पाणीपुरवठा करणाऱ्या धरणाची पाईपलाईन फुटली; लाखो लिटर पाण्याच्या नासाडी

वैतरणा धरणातून (Vaitrana Dam) आलेली पाईपलाईन ही 96 इंचाची असून या पाइपलाईनच्या वरच्या बाजूने असलेले कनेक्शन टाकण्यासाठी विविध ठिकाणी बूच बसवण्यात आलेले आहेत. मात्र त्यापैकी एक बूच आज दुपारच्या सुमारास अचानक फुटल्याने त्यातून पाण्याचा विसर्ग सुरू झाला व पाण्याची कारंजी वरपर्यंत उडत होती.

ठाणे : भिवंडी तालुक्यातील वळगाव ग्रामपंचायत हद्दीमधील मुंबई महानगरपालिकेची(Mumbai Muncipal Corporation) वैतरणा पाईपलाईनचे (Vaitrna Pipeline) कनेक्शन बूच निघाल्याने 50 ते 60 फूटांपर्यंत पाण्याची कारंजी उडत असून लाखो लिटर पाण्याची नासाडी झाली आहे. यामुळे पाइपलाईनच्या देखभाल दुरुस्तीसाठी वर्षाला होणाऱ्या कोटयवधी खर्चावर प्रश्नचिन्ह उपस्थित झाले आहे.

पाईपलाईन अचानक फुटल्याने त्यातून पाण्याचा विसर्गमुंबई महानगरपालिकेला शहापूर तालुक्यातील ६ धरणातून पाणीपुरवठा करण्यात येतो. त्यापैकी वैतरणा धरणातून आलेली पाईपलाईन ही 96 इंचाची असून या पाइपलाईनच्या वरच्या बाजूने असलेले कनेक्शन टाकण्यासाठी विविध ठिकाणी बूच बसवण्यात आलेले आहेत. मात्र, त्यापैकी एक बूच शनिवारी दुपारच्या सुमारास अचानक फुटल्याने त्यातून पाण्याचा विसर्ग सुरू झाला व पाण्याची कारंजी वरपर्यंत उडत होती. एका तासात दुरुस्ती करून पाणीपुरवठा सुरळीतउंच उडणाऱ्या कारंजाचा आनंद घेण्यासाठी काही नागरिक त्या ठिकाणी देखील पोहोचले व त्यांनी पाण्याचा कारंजातुन उडणाऱ्या पाण्यासाखी आंघोळही करीत होते. दरम्यान पाईपलाईन फुटल्याची माहिती मुंबई महापालिकेच्या पाणीपुरवठा विभागाला मिळाली. त्यानंतर तात्काळ कर्मचारी घटनास्थळी दाखल होऊन एका तासाच्या अथक प्रयत्नानंतर या पाईपलाईनची दुरुस्ती करण्यात आली आहे. हेही वाचा -Mumbai NCB Seizes Drugs : मुंबई विमानतळावर एनसीबीची कारवाई, ऑस्ट्रेलियाला जात असलेले ड्रग्ज जप्त