ठाणे : धक्कादायक!!! आठव्या मजल्यावरून पडून अभियंत्याचा जागीच मृत्यू

भिवंडी तालुक्यातील बोरपाडा परिसरात मुंबईतील सुप्रसिद्ध बिल्डर अनुप करनानी यांच्या वतीने उच्चभ्रू अंबिका सिटी नावाने गृह संकुल उभारणीचे काम सुरु आहे. या अंबिका सिटीत घर घेणाऱ्या ग्राहकांना आकर्षित करण्यासाठी फिल्म अभिनेता संजय कपूर यांची उपस्थिती देखील पहायला मिळाली होती.

ठाणे - एका इमारतीच्या आठव्या मजल्यावरुन साईड अभियंता खाली पडल्याने त्यांचा मृत्यू झाल्याची दुर्दैवी घटना घडली आहे. ही घटना भिवंडी तालुक्यातील बोरपाडा परिसरात अंबिका सिटी येथे घडली आहे. मात्र त्या ठिकाणी बांधकाम विकासकाकडून सुरक्षेच्या दृष्टिकोनातून उपाययोजना केल्या नसल्याने मृत्यू झाल्याचा आरोप नातेवाईकांनी केला आहे. याप्रकरणी भिवंडी तालुका पोलीस ठाण्यात आकस्मित मृत्यूची नोंद करून पोलिसांनी तपास सुरु केला आहे. मोहम्मद आमीन मोहम्मद मुस्तकीम अन्सारी (वय 27 वर्ष) असे मृत अभियंताचे नाव आहे.

अभियंत्याचा जागीच मृत्यू

पाहणी तोल जाऊन खाली पडलाभिवंडी तालुक्यातील बोरपाडा परिसरात मुंबईतील सुप्रसिद्ध बिल्डर अनुप करनानी यांच्या वतीने उच्चभ्रू अंबिका सिटी नावाने गृहसंकुल उभारणीचे काम सुरु आहे. या अंबिका सिटीत घर घेणाऱ्या ग्राहकांना आकर्षित करण्यासाठी फिल्म अभिनेता संजय कपूर यांची उपस्थिती देखील पहायला मिळाली होती. विशेष म्हणजे मागील 5 वर्षांपासून या ठिकाणी इमारत तयार करण्याचे काम सुरू आहे. याच प्रोजेक्टमध्ये मृतक अभियंता मोहम्मद अन्सारी कामावर होता. त्यातच आज दुपारच्या सुमारास इमारतीच्या आठव्या मजल्यावर पाहणी करत असताना तोल जाऊन खाली पडल्याने अभियंताचा जागीच मृत्यू झाल्याची घटना घडली आहे. सुरक्षेच्या दृष्टिकोनातून उपाययोजना नसल्यामुळे घडली दुर्घटना !विशेष म्हणजे याठिकाणी सुरक्षेच्या दृष्टिकोनातून कोणत्याही प्रकारची उपाययोजना नसल्यामुळे ही दुर्घटना घडली असल्याचा आरोप मृतकाच्या वडिलांनी केला आहे. त्यामुळे दोषींवर योग्य ती कारवाई करण्यात यावी तसेच जोपर्यंत सुरक्षेच्या दृष्टिकोनातून काळजी घेतली जात नाही तोपर्यंत हे काम बंद करावे अन्यथा इतरांचेही जीव जाण्याची शक्यता असल्याचेही मृताच्या वडिलांनी सांगतले आहे. हेही वाचा -Dilip Walse Patil न्यायालय म्हणत असेल तर आर्यन खान निर्दोष, तपासात एनसीबीचे सत्यही पुढे येईल - गृहमंत्री पाटील