Raj Thackeray In Thane :आज ठाण्यात 'राज'यांची तोफ कडाडणार! मनसे'कडून सभेची जोरदार तयारी

राज ठाकरे आणि त्यांची गुढीपाडव्याच्या दिवशी झालेली सभा अजूनही चर्चेत आहे. या सभेतील त्यांच्या वक्तव्याचे अजूनही पडसाद उमटत आहेत. आज (दि. 12 एप्रिल) रोजी ठाण्यात लगेचच दुसरी सभा होत आहे. (Raj Thackeray In Thane) त्यांच्या पहिल्या सभेवर जोरदार टीका झाल्यानंतर आज ते काय बोलणार याकडे सर्व महाराष्ट्राचे लक्ष लागले आहे. दरम्यान, या सभेला मनसेकडून 'उत्तर'सभा असे नाव देण्यात ( raj thackeray address public meeting at thane ) आले आहे.

ठाणे - मनसे अध्यक्ष राज ठाकरे यांची आज मंगळवार (दि. 12 एप्रिल)रोजी ठाण्यात सभा आयोजित करण्यात आली आहे. या सभेची मनसे सैनिकांकडून जोरदार तयारी सुरू आहे. सुमारे ४० हजारहून अधिकचा जनसमुदाय या सभेसाठी उपस्थित राहण्याची शक्यता मनसेकडून वर्तविली जात आहे. (Raj Thackeray Sabha In Thane) तसेच, मनसे आणि राष्ट्रवादीमध्ये सुरू असलेल्या शाब्दीक वादानंतर मनसेच्या कार्यकर्त्यांनी संपूर्ण शहरात 'उत्तरसभा' अशा आशयाचे फलक उभारले आहे. त्यामुळे राज ठाकरे सभेत काय बोलणार याकडे महाराष्ट्राचे लक्ष लागले आहे.

सभेची तयारी मनसेच्या कार्यकर्त्यांकडून सुरू - गुढीपाडव्याच्या दिवशी शिवाजी पार्क येथे झालेल्या सभेमध्ये राज ठाकरे यांनी मशींदीवरील भोंग्याचा मुद्दा उपस्थित केला होता. या भोंग्यांच्या मुद्द्यावरून राष्ट्रवादी काँग्रेस आणि मनसेच्या कार्यकर्त्यांमध्ये शाब्दिक चकमकी सुरू झाल्या. त्यानंतर राज ठाकरे यांची अचानक ९ एप्रिलला ठाण्यात सभा आयोजित करण्यात आली. परंतु, चैत्र नवरात्रौत्सव आणि गडकरी रंगायतन येथील एका कार्यक्रमामुळे पोलिसांनी ही परवानगी नाकारली होती. अखेर १२ एप्रिल आज डॉ. मूस मार्गावर ही सभा घेण्यास पोलिसांनी परवानगी दिली आहे. त्यामुळे सभेची तयारी मनसेच्या कार्यकर्त्यांकडून सुरू झालेली आहे.

मनसेचे ५०० ते ६०० स्वयंसेवक या सभेसाठी उपस्थित असतील - राज ठाकरे यांचे २०० चारचाकी आणि एक हजार दुचाकीस्वारांच्या रॅलीत आगमन होणार आहे. ही रॅली ठाण्याच्या वेशीवरून थेट सभास्थानापर्यंत म्हणजेच डॉ. मूस मार्गापर्यंत असणार आहे. असे मनसेच्या वतीने स्पष्ट करण्यात आले. या सभेस ३५ ते ४० हजारहून अधिकचा जनसमुदाय या सभेस उपस्थित असणार आहे. मुंबई तसेच पालघर जिल्ह्यातून येणार या बसगाड्या, मोठी वाहने साकेत आणि आनंदनगर टोलानाका येथे उभ्या केल्या जाणार आहे. मनसेचे ५०० ते ६०० स्वयंसेवक या सभेसाठी उपस्थित असतील. सभेचे व्यवस्थापन या स्वयंसेवकांकडे असणार आहे.

ठाण्याच्या इतिहासातील सर्वात मोठी सभा -राज ठाकरे यांची 'उत्तर सभा' ही ठाण्याच्या इतिहासातील सर्वात मोठी सभा ठरणार आहे. या सभेत उपस्थित केलेल्या सर्व प्रश्नांची उत्तरे राज ठाकरे देणार आहेत. प्रथमच गडकरी रंगायतन समोरील दोन्ही रस्त्यांवर सभा होणार असल्याने श्रोत्यांच्या सोईसाठी एलईडी स्क्रिनवर सभा लाईव्ह पाहंता येणार आहे असे ठाणे मनसेकडून सांगण्यात आले आहे.

हेही वाचा -पाकिस्तानच्या पंतप्रधानपदी शहबाज शरीफ! पंतप्रधान नरेंद्र मोदींनी दिल्या शुभेच्छा