नवी मुंबई -राष्ट्रवादीचे अध्यक्ष शरद पवार यांच्यावर ईडीने सुडबुद्धीने गुन्हा दाखल केल्याच्या निषेधार्थ राज्यभरात राष्ट्रवादी युवक काँग्रेस पार्टीचे कार्यकर्ते आक्रमक झालेत. आक्रमक झालेले नवी मुंबईतील राष्ट्रवादीचे कार्यकर्ते शरद पवार यांच्या प्रेमापोटी ईडी कार्यालयाकडे रवाना झाले आहेत. नवी मुंबई जिल्हाध्यक्ष अशोक गावडे यांच्या नेतृत्वाखाली राष्ट्रवादीचे कार्यकर्ते मोठ्या संख्येने ईडी कार्यालयाकडे जाण्यासाठी मुंबईत रवाना होत असताना पोलिसांनी कार्यकर्त्यांची धरपकड सुरू केली. ईडी कार्यालय परिसरात कार्यकर्त्यांची गर्दी होऊ नये म्हणून ठिकठिकाणाहून राष्ट्रवादीच्या कार्यकर्त्यांची धरपकड सुरू केली आहे. कोणतीही गडबड होऊ नये या उद्देशाने पोलिसांनी राष्ट्रवादीच्या कार्यकर्त्यांना स्थानबद्ध केले आहे.
नवी मुंबईत राष्ट्रवादी कार्यकर्त्यांची धरपकड