मिरा भाईंदर (ठाणे) - कोरोना महामारीमध्ये इमारतींमध्ये भाडेकरूंना घरे दाखवण्यासाठी दलालांची वर्दळ मोठ्या प्रमाणात वाढली आहे. कोणत्याही प्रकारची सोसायटीची परवानगी न घेता भाडेकरू आणि दलाल बिनधास्त फिरत असल्यामुळे कोरोनाचा संसर्ग वाढण्याची शक्यता वर्तवली जात आहे. यामुळे सोसायटीमधील फ्लॅटधारकांमध्ये भीतीचे वातावरण पसरले आहे.
हेही वाचा -'मातीच्या ढिगाऱ्याखाली दबलेला संसार शोधायला सुरूवात'
दलाल प्रतिबंधीत क्षेत्रातून आले आहेत की नाही हे कसे समजणार? त्यामुळे सोसायटीमधील अध्यक्ष सचिव, सदस्य यांना प्रश्नः पडला आहे. टाळेबंदीमुळे परराज्यातील अनेक कुटुंब घर खाली करून गेल्याने ते भाडेतत्वावर लावण्यासाठी घरमालक दलालांना थेट संपर्क करत आहेत. घरमालकाची परवानगी असल्यामुळे हे मुजोर दलाल सोसायटीमधील कमिटीला न विचारता घर दाखवण्यासाठी भाडेकरूंना घेऊन जात आहेत. दलालांचे जाळे मोठे असल्याने एकमेकांना संपर्क साधून एक खोली दाखवण्यासाठी दिवसभरात तीन ते चार दलाल भाडेकरूंना घेऊन येतात. त्यामुळे सोसायटीमधील रहिवाशांना कोरोनाचा संसर्ग वाढण्याची भीती वाटते आहे.
हेही वाचा -कोविड लसीचा भारती विद्यापीठात करण्यात आला प्रयोग - राज्यमंत्री विश्वजित कदम
