Robbery in Sister Laws Home : मेहुणीच्या दागिन्यांसह रोकडवर डल्ला मारणाऱ्याला साथीदारासह अटक

पश्चिम डोंबिवलीच्या लोटेवाडी परिसरातल्या श्री बालाजी चाळीत राहणाऱ्या प्रतीक्षा गोपाळ जाधव (24) या तरुणीने दिलेल्या तक्रारीवरून पोलिसांनी घरफोडीचा गुन्हा दाखल ( robbery crime in West Dombiwali ) केला. शुक्रवारी सकाळी 7.30 ते रात्री 9 दरम्यानच्या कालावधीत या घरातून रोकाडसह सोन्याचे दागिने ( robbery in Home ) चोरीस गेले होते.

ठाणे - बंद घर फोडून फ्रिजच्या कव्हरमधील चाव्यांच्या साह्याने कपाटातील रोकडसह सोन्याचा ऐवज लांबविणाऱ्या दोघांना विष्णूनगर पोलिसांनी अटक ( Thane Vishunagar Police ) केली आहे. अटकेतील एकजण अल्पवयीन आहे. यातील मुख्य आरोपी मेहुणीचे घर साफ करणारा मेहुणा असल्याचे चौकशीदरम्यान ( Thane crime news ) उघडकीस आले आहे.

घाटकोपरमधून आरोपीला अटक
पश्चिम डोंबिवलीच्या लोटेवाडी परिसरातल्या श्री बालाजी चाळीत राहणाऱ्या प्रतीक्षा गोपाळ जाधव (24) या तरुणीने दिलेल्या तक्रारीवरून पोलिसांनी घरफोडीचा गुन्हा दाखल ( robbery crime in West Dombiwali ) केला. शुक्रवारी सकाळी 7.30 ते रात्री 9 दरम्यानच्या कालावधीत या घरातून रोकाडसह सोन्याचे दागिने ( robbery in Home ) चोरीस गेले होते.

हेही वाचा-Kolhapur North Bypoll : ठरलं! सेनेने काँग्रेससाठी कोल्हापूर उत्तरची जागा सोडली; आता काँग्रेस विरुद्ध भाजप लढत

आरोपी निघाला तक्रारदार महिलेचा मेहुणा

वरिष्ठ पोलीस निरीक्षक पंढरीनाथ भालेराव ( Senior PI Pandharinath Bhalerao ) यांच्या मार्गदर्शनाखाली पथकाने या गुन्ह्याचा तांत्रिक तपास केला. तसेच गोपनीय माहिती काढून देवेंद्र रघुनाथ खांडेकर (22) याला तो राहत असलेल्या घाटकोपर पश्चिमेकडील संघर्ष नगरमधल्या साई संगम सोसायटीतून ताब्यात घेतले. देवेंद्रने दिलेल्या माहितीवरून पोलिसांनी एका 17 वर्षीय चोरट्याला साकीनाका येथून ताब्यात घेतले. यातील देवेंद्र खांडेकर हा तक्रारदार प्रतीक्षा जाधव हिचा नात्याने मेहुणा अर्थात बहिणीचा नवरा आहे.

हेही वाचा-Kolhapur North Assembly by-election : पंढरपुरात मंत्रिमंडळ येऊन बसले तरी पराभव झाला.. कोल्हापुरातही भाजपच येणार : सत्यजित उर्फ नाना कदम

आतापर्यंत 33 हजारांचा मुद्देमाल हस्तगत
प्रतीक्षा घरी नसताना तिचा मेहुणा देवेंद्र याने त्याच्या मित्राच्या मदतीने घराचे कुलूप तोडले. त्यानंतर फ्रिजला लावलेल्या कव्हरमधील चाव्याच्या साह्याने किचनमधील कपाट आणि लॉकरमधील मंगळसूत्र, नथ, अंगठ्या व रोख रक्कम असा 99 हजारांचा मुद्देमाल चोरून नेला. चौकशीदरम्यान आतापर्यंत 33 हजारांचा मुद्देमाल हस्तगत करण्यात आला आहे.

हेही वाचा-Gold Medalist Neeraj Chopra : आतापर्यंत मी जे मिळवले आहे, ते सर्वश्रेष्ठ नाही - सुवर्णपदक विजेत्या नीरज चोप्राचे वक्तव्य

19 मार्चपर्यंत पोलीस कोठडी
या आरोपी दुकलीकडून अशाप्रकारचे अनेक गुन्हे उघडकीस येण्याची शक्यता आहे. यातील देवेंद्र खांडेकर याला अधिक चौकशीकरिता 19 मार्चपर्यंत पोलिस कोठडीत ठेवण्याचे आदेश दिले आहेत. तर त्याचा साथीदार अल्पवयीन असल्याचे त्याची रवानगी भिवंडीच्या बालसुधागृहात करण्यात आल्याचे वपोनि पंढरीनाथ भालेराव यांनी सांगितले.