Thane Crime News : सेल्फीच्या नादात 13 वर्षीय मुलाने गमावला जीव

मोहम्मद हा सेल्फी काढण्यासाठी इमारतीच्या छताच्या एका कोपऱ्यावर उभा राहून मंगळवारी सायंकाळी मोबाईलमध्ये सेल्फी(13 year boy lost his life while taking selfie) काढत होता. त्यावेळी सेल्फी काढण्याच्या नादात त्याचा तोल जाऊन तो खाली कोसळला. आणि त्याच्या डोक्यास गंभीर दुखापत होऊन त्याचा मृत्यू झाला.

ठाणे : मोबाईल कॅमेऱ्यामध्ये स्वतःचा सेल्फी काढण्याच्या नादात इमारतीच्या दुसऱ्या मजल्याच्या छतावरून खाली पडला. आणि यात एका 13 वर्षीय मुलाचा दुर्दैवी मृत्यू झाल्याची घटना उघडकीस आली आहे. ही घटना भिवंडी शहरातील शांतीनगर परिसरातील हिना मार्केट या इमारतीत घडली आहे. याप्रकरणी शांतीनगर पोलीस ठाण्यात अकस्मात मृत्यूची नोंद करून पोलिसांनी तपास सुरु केला आहे. मोहम्मद उबेद शेख असे सेल्फीच्या नादात जीव गमावलेल्या मुलाचे नाव आहे.

पालिकेने केली होती या इमारतीवर कारवाईभिवंडी शहरातील शांतीनगर परिसरातील पिराणी पाडा भागात हिना मार्केट आहे. या मार्केटची इमारत तळ अधिक दोन मजली असून भिवंडी महानगरपालिकेने ही इमारत काही वर्षांपूर्वी अनधिकृत घोषित केली होती. यामुळे या अनधिकृत इमारतीवर पालिकेच्या वतीने कारवाई करीत पूर्ण इमारत जमीनदोस्त न करता इमारतीचे बांधकाम अर्धवट तोडून ठेवले आहे. तर इमारत अर्धवट तोडलेल्या अवस्थेत असल्याने ही इमारत पडीक झाली आहे. त्यातच या पडीक इमारतीच्या पहिल्या व दुसऱ्या मजल्यावर परिसरातील मुले खेळण्यासाठी जात असून या पूर्वीही अनेक अपघाताच्या घटना घडल्या होत्या.सेल्फी काढण्यासाठी छताच्या कोपऱ्यावर होता उभापोलीस सूत्रांनी दिलेल्या माहिती नुसार मृत मोहम्मद हा सेल्फी काढण्यासाठी इमारतीच्या छताच्या एका कोपऱ्यावर उभा राहून मंगळवारी सायंकाळी मोबाईलमध्ये सेल्फी काढत होता. त्यावेळी सेल्फी काढण्याच्या नादात त्याचा तोल जाऊन तो खाली कोसळला. आणि त्याच्या डोक्यास गंभीर दुखापत होऊन त्याचा मृत्यू झाला.हेही वाचा -Anil Deshmukh : अनिल देशमुख यांच्या संपत्ती जप्तीच्या कारवाईला मुंबई उच्च न्यायालयाने दिली 14 डिसेंबरपर्यंत स्थगिती