सोलापूर - सोलापूर शहरात एमआयएम पक्ष (MIM Rally in Solapur) व इतर पक्षातील नेत्यांच्या माध्यमातून मुस्लिम नागरिकांना घेऊन विराट मोर्चा (Muslim community rally in Solapur) काढण्यात आला होता. भाजपच्या निलंबित प्रवक्त्या नुपूर शर्मा आणि नवीनकुमार जिंदाल यांनी मोहंमद पैगंबर यांच्या विरोधात आक्षेपार्ह वक्तव्य केले होते. त्यांच्या विरोधात सोलापुरात शुक्रवारी मोर्चा काढण्यात आला होता. पण या मोर्चात तरुणांची हुल्लडबाजी पाहायला मिळाली. त्यामुळे आज मोर्चा आयोजकांसह मोर्चात सहभागी झालेल्या अनेकांवर सदर बाजार पोलीस ठाण्यात गुन्हे दाखल झाले (FIR on rally Organizers) आहेत. अधिक तपास पोलीस उपनिरीक्षक बेंबडे करत आहेत. याबाबत अधिकृत माहिती सदर बाजार ठाण्यातील पोलीस निरीक्षक पोपटराव धायतोंडे यांनी दिली आहे.
गुन्हा दाखल झालेल्याची नावे - एमआयएमचे सोलापूर शहर आणि जिल्हा प्रमुख फारुख शाब्दी, गाजी जहागीरदार, रियाज हुंडेकरी, रमीज सय्यद, अबू हुरेरा इम्रान सय्यद, सलीम उर्फ पामा सय्यद, हारीस कुरेशी, पालेखान रशीद खान पठाण, रसूल पठाण, कमरूल सलाउद्दीन शेख, यांच्या विरोधात व इतर कार्यकर्त्यांवर गुन्हे दाखल केले आहेत. बेकायदा जमाव जमवून तसेच जिल्हाधिकारी कार्यालयाकडे जाणाऱ्या गेटचे नुकसान केले असल्याची तक्रार कॉन्स्टेबल देशमुख यांनी सदर बाजार पोलीस ठाण्यात दाखल केली होती.