पुणे -नागरिकत्व नोंदणी, सुधारणा कायदा हा काळा कायदा असून तो मागे घ्यावा, ही मागणी घेवून गांधी शांती यात्रा आम्ही सुरू केली आहे. संविधान रक्षण करणे, एकतेचा संदेश देणे आणि गांधीजींना पुन्हा मरू न देणे, हा हेतू असल्याचे प्रतिपादन ज्येष्ठ नेते यशवंत सिन्हा यांनी पुण्यात केले. गेट वे ऑफ इंडिया (मुंबई) ते राजघाट (दिल्ली) गांधी शांती यात्रा गुरुवारी सुरू झाली. गुरुवारी सायंकाळी पुण्यात दाखल झाली. यावेळी पुण्यातल्या गांधीभवन येथे जाहीर सभा घेण्यात आली, ज्येष्ठ नेते यशवंत सिन्हा, अभिनेते शत्रुघ्न सिन्हा, माजी मुख्यमंत्री पृथ्वीराज चव्हाण, डॉ कुमार सप्तर्षी उपस्थित होते.
नागरिकत्व नोंदणी, सुधारणा कायदा हा काळा कायदा - यशवंत सिन्हा