पुणे - आगामी विधानसभा निवडणुका डोळ्यासमोर ठेवून राज्याच्या अनेक भागात नेतेमंडळी पक्ष प्रवेश करत आहेत. विविध प्रमुख पक्षांची मोर्चेबांधणी सुरू असतानाच सामाजिक क्षेत्रात काम करणाऱ्या व्यक्तीही विधानसभेच्या निमित्ताने स्वत:ची शक्ती अजमावताना दिसत आहेत.
महिला कार्यकर्त्या तृप्ती देसाई यांनी लवकरच आपण एका राजकीय पक्षात प्रवेश करणार असल्याची माहिती दिली आहे.
महिला सबलीकरण तसेच स्त्री पुरुष समानता यासाठी काम करणाऱ्या महिला कार्यकर्त्या तृप्ती देसाई स्वत:चे राजकीय भवितव्य अजमावून पाहात आहेत. लवकरच आपण एका राजकीय पक्षात प्रवेश करणार असल्याची माहिती त्यांनी दिली आहे. मात्र, कोणत्या पक्षात प्रवेश करणार, हे अद्याप त्यांनी गुलदस्त्यात ठेवले आहे.