पुणे - देशभरातील कोरोनाच्या रुग्णांमध्ये वाढ होत आहे. आज (सोमवार) कर्नाटक आणि पंजाबनंतर आता महाराष्ट्रामध्येही कोरोना विषाणूची लागण झालेले दोन रुग्ण आढळले आहेत. हे दोन्ही रुग्ण दुबईहून परतले होते. या दोघांनाही पुण्यातील नायडू रुग्णालयात दाखल करण्यात आले आहे.
कोरोना विषाणूच्या पार्श्वभूमीवर सध्या १५ जण निरीक्षणाखाली असून, २५८ जणांना घरी सोडण्यात आले आहे. राज्यात अद्याप एकही संशयित रुग्ण आढळून आला नसून, प्रतिबंधात्मक उपाययोजनांसाठी विविध माध्यमांतून जनप्रबोधन करण्यात येत आहे. राज्याचे आरोग्यमंत्री राजेश टोपे यांनी काल ट्विट करत ही माहिती दिली होती. यामधील एका दाम्पत्याला कोरोना झाल्याचे निष्पन्न झाले आहे. या दोघांची प्रकृती सध्या स्थिर असल्याचीही माहिती मिळत आहे.