पुणे -उत्तर प्रदेशामधून विमानाने येऊन पुण्यात घरपोडी करणाऱ्या दोन चोरट्यांना (Thief travels UP to Pune Burglary) पुणे पोलिसांच्या गुन्हे शाखेने बेड्या (Pune Police arrested thief) ठोकल्या आहेत. हे अट्टल चोर चोरी करण्यासाठी विमानाने पुण्यात यायचे आणि चोरी झाल्यानंतर त्यांच्यातील एकजण चोरीचा सारा मुद्देमाल घेऊन ट्रॅव्हल्सने उत्तर प्रदेशला परत जायचा. परवेज शेख मोहम्मद खान आणि तस्लिम अरीफ समशूल खान अशी अटक केलेल्या दोन चोरांची नावे आहेत.
पुणे शहरात मोठया प्रमाणात होणाऱ्या घरफोड्या रोखण्यासाठी आवश्यक त्या उपाययोजना करण्याच्या सूचना पोलीस आयुक्त अमिताभ गुप्ता यांनी दिल्या होत्या. यातुनच पुणे पोलिसांच्या गुन्हे शाखेला आंतरराज्यातील रेकॉर्डवरील गुन्हेगार पाळत ठेवून पुण्यात घरफोडी करत असल्याची माहिती मिळाली होती.