पुणे - पुण्यातील वानवडी परिसरातील एका इमारतीचं ( Slab Collapsed in Pune ) काम सुरू असताना धक्कादायक घटना घडली आहे. वानवडीमधील विकासनगर येथील बांधकाम चालू असलेल्या इमारतीचा स्लॅब कोसळला असून सर्व जखमींना जवळच्याच खासगी रुग्णालयात दाखल केले आहे. त्यांच्यावर उपचार सुरू असून घटनास्थळी अग्निशमन अधिकारी आणि पोलीस दाखल झाले आहेत. वानवडी येथील ( Slab Collapsed In Wanwadi Pune ) अलंकार हॉलसमोर ही दुर्घटना झाली आहे.
एका कामगाराचा मृत्यू -या घटनेत पाच जणांना गंभीर जखम झाली असून यात एका कामगाराचा दुर्दैवी मृत्यू झाला आहे. हे सगळे मजूर परराज्यातील असल्याची प्राथमिक माहिती मिळत आहे. आज दुपारी ४.१५ वाजता ही घटना घडल्याचं स्थानिकांनी सांगितलं आहे. राम नरेश पाल (४५) असे मृत्यू झालेल्या कामगारचे आहे. या इमारतीचं मागच्या ६ महिन्यांपासून बांधकाम सुरू होते. या ठिकाणी भौरी समाजाच्या मशिदीच आणि कम्युनिटी हॉलचं बांधकाम सुरु होत. एकूण ३ मजली इमारतीत बांधकाम होत. त्यातील दुसऱ्या मजल्याच्या स्लॅब कोसळला आहे.