पुणे:भारताच्या स्वातंत्र्यानंतर 75 वर्षाच्या वाटचालीत द्रौपदी मुर्मू (Droupadi Murmu)यांच्या रुपानं पहिल्यांदाच आदिवासी व्यक्ती राष्ट्रपतीपदी विराजमान झाल्यानिमित्त पुण्याजवळील फुलगाव येथील (Netaji Subhash Chandra Bose Military School) नेताजी सुभाषचंद्र बोस सैनिकी शाळेत आनंदोत्सव साजरा करण्यात आला. याठिकाणी आदिवासी विकास प्रकल्पांतर्गत 400 आदिवासी विद्यार्थी आणि ईश्वर पूरम प्रकल्पांतर्गत अरुणाचल प्रदेश व नागालँड मधील आदिवासी विद्यार्थी (Tribal students) शिक्षण घेत आहेत. या विद्यार्थ्यांनी पेढे वाटून, ढोल-ताश्याच्या तालावर आदिवासी नृत्य सादर करून आनंदोत्सव साजरा केला. विद्यार्थ्यांनी पत्र लिहून द्रौपदी मुर्मू यांना शुभेच्छा दिल्या व राष्ट्रपती झाल्यानिमित्त (congratulated Droupadi Murmu on his election as President) अभिनंदन केले. या विद्यार्थ्यांनी पाठवलेल्या पत्रात मुर्मू यांच्याकडे भेटीची अपेक्षा व्यक्त केली आहे.
लोकसेवा प्रतिष्ठान संचालित नेताजी सुभाषचंद्र बोस मिलिटरी लोकसेवा शैक्षणिक संकुल फुलगाँव येथील, आदिवासी विकास प्रकल्पाच्या अंतर्गत 400 आदिवासी विद्यार्थी हे शिक्षण घेत आहे. तसेच ईश्वरपुरा प्रकल्प आणि नागालँड येथील ही, विद्यार्थी या ठिकाणी शिक्षण घेत आहे. देशाच्या इतिहासात पहिल्यांदाच आदिवासी महिला म्हणून द्रोपदी मुर्मू यांची राष्ट्रपती म्हणून निवड झाली आहे. या निवडीबाबत संस्थेच्या प्रांगणात विद्यार्थ्यांच्या वतीने जल्लोष साजरा करण्यात आला आहे.