पुणे- आर्य संगीत प्रसारक मंडळातर्फे दरवर्षी आयोजित करण्यात येणारा ‘सवाई गंधर्व भीमसेन महोत्सव’ बुधवार ११ डिसेंबरपासून सुरु होत आहे. महोत्सवाचे यंदाचे हे ६७ वे वर्ष असून मुकुंदनगर येथील महाराष्ट्रीय मंडळ क्रीडा संकुल येथे १५ डिसेंबरपर्यंत महोत्सव रंगणार आहे.
आजपासून सवाई गंधर्व भीमसेन महोत्सवाला सुरूवात
या महोत्सवासाठी २७० बाय २२८ फूट इतका मांडव तयार करण्यात आला असून या ठिकाणी तब्बल १० हजार रसिकांची बसण्याची व्यवस्था करण्यात आली आहे. भारतीय बैठक आणि खुर्च्या अशा स्वरूपात ही बैठक व्यवस्था असणार आहे. याशिवाय संपूर्ण मंडपात ६ एलईडी स्क्रीन्सवर देखील रसिकांना महोत्सवाचा आस्वाद घेता येणार आहे.