पुणे - सैराट फेम अभिनेता अरबाज शेख याला पुण्यात एका रिक्षावाल्याकडून मनस्ताप सहन करावा लागला असल्याची फेसबुक पोस्ट त्याने केली होती. तर त्या रिक्षावाल्याने आपल्याला शिवीगाळ केल्याचा आरोप देखील अरबाज शेख याने केला होता. त्यांनतर आता ज्या रिक्षावाल्यावर आरोप केले होते त्या असिफ मुल्ला याने समोर येऊन आपली बाजू मांडली आहे. त्याने यावेळी हे आरोप फेटाळले आहेत.
प्रतिक्रिया
"त्यादिवशी पुण्यात खूप पाऊस होता. मी त्यांना पुणे स्टेशन येथे जाण्यासाठी धायरी फाटा येथून घेतले. त्यादिवशी भिडे पूल वाहतुकीसाठी बंद होता. पण अरबाज शेख पाण्यातून रिक्षा घालण्यासाठी आग्रह करत होते. मात्र त्यासाठी मी नकार दिला. त्यामुळे त्यांना फिरून घेऊन जावं लागलं, मी त्यांना शिवीगाळ अजिबात केली नाही. माझ्यावर ते आरोप करत आहेत." असे असिफ मुल्ला म्हणाले आहेत.